________________
तीसमो संघि
१४७
अवरोप्परु कलहु काई करहो धणु रक्खहो कुरुवइ परिगरहो पडिवक्ख-पक्ख-संखोहणिहिं पाउणहिं तिहिं अक्खोहणिहिं दुज्जोहणु अग्गए पट्ठवहो तेत्तियउ जे धणहो परिडवहो अवरेहिं पंच-अक्खोहणिहिं रह-तुरय-महागय-छोहणिहिं
घत्ता सहं पत्थें जुझहो णिय-बलु वुझहो सरिसु-य वयणेहिं सव्व थिय ।। पेक्खिउ दुजोहणु लेप्पिणु गोहणु समरंगण-सामग्गि किय ॥ ९
[१३] तो आउ णिहालउ अमरयणु . रण-रसे लालसु दस-सय-णयणु सज्जिउ विमाणु त सुयरिसणु परम-जिणिंद-समोसरणु सोहम्म-सहासेहिं वित्थरिय गिव्वाण-लक्ख जहिं पइसरिय घय-चामर-छत्त-सयग्धविय विविहाउह-विविहासण-सहिय तं अमर-विमाणु पराइयउ णिविस- णहयलु छाइयउ रवि सीयलु पवणु सुगंधु किउ अइ-णिम्मलु गयणाहोउ थिउ अंधारु ण णावइ केत्तहे-वि उत्थरिउ धणंजउ एत्तहे-वि विहिं वाणेहिं गाउं परिदृविउ अहिवायणु तायहो पट्टविउ
घत्ता मणि-कंचण-जडिया पाएहिं पडिया वे-वि सिलीमुह पणय-सिह । परिवुझिय दोणे अवय-तोणे अज्जुण-आसत्थाम जिह ।। ९
[१४] वे वाण अवर मण-पवण-णिह गुरु-कण्ण-णिसण्णा मंति जिह गय कह-मि कहेप्पिणु कज्ज-गइ वीभन्थु ताय पई विण्णवइ तई होते तालुय-वम्म हय वारह संवच्छर ते-वि गय हउ एवहिं गुरु-पेसणु करमि जिह पलय-महाधणु उत्थरमि ४
Jain Education International
For Private & Personal Use Only
www.jainelibrary.org
