________________
१४२
रिट्ठणेमिच स गवेसिय पेसिय तेण तहिं गुरु-अच्चण-णच्चण-साल जहिं णिय-पणए विणएं सद्दियउ रहे भर-सहे थिय आणंदियउ
धत्ता गयणंगणे धत्तेवि लहु आमंतेवि कवउ किरीडे लयउ किह । णउ केण-विदिट्टर हियए पइट्टउ झत्ति णवल्लउ पेम्मु जिह ॥ ९
४
रहिएण वि विहुणेत्रि णियय-तणु णिविसंतरे अंबरे सण्णहणु अहिमंतिउ घत्तिउ णीसरिउ उरे केम-वि केम-वि पइसरिउ चविउत्तर-उत्तर विद्वाई आणेज्जहि लेज्जहि चिंधाई रहु जोत्तिउ खत्तिउ तेत्थु थिउ कुरु जेत्तहे तेत्तहे णरेण णिउ वह-मयगलु अलमलु णिएवि वलु अ-मडप्फरु कायरु चत्त-छलु परिचितइ धतइ रहहो तणु लइ णासमि लेसमि अवरु धणु अहिमाणहो थाणहो ओसरिउ कुलु गव्वहो सव्वहो ओसरिउ जिय-खंडउ पंडउ समर सहुं हय चोइय जोइय जाम रहु
घत्ता
९
तहि अवसरे उत्तर गउ थोवतरु अज्जुणु पच्छए धाइयउ । विवरियहिं विक्खेहिं केसरी सिक्खेहि हरिणु णाई संभाइयउ ॥
[४] किव-कण्ण-विकण्ण-पहाणएहि स-पयावेहि सव्वेहि राणएहि जोइज्जइ दिज्जइ दिट्टि तहिं दोवइ-वरु उत्तर वे-वि जहिं गुरु वोल्लइ उल्लइ णियय-मणु विहि आयह आयह एक्कु जणु धणु-हत्थहो पत्थहो अणुहरइ दुणिरिक्खेहिं विक्खेहिं संचरइ थिउ मं पुणु अज्जुणु वय-पउढे घणु-संगें अंगे लग्गु कुढे तहिं अवसरे रहवरे णउ चडिउ वल-रहिउ रहिउ महियले पडिउ 3. 9b. ज. वियखेहि. 4. 39. ज. ऊसइ
४
Jain Education International
For Private & Personal Use Only
www.jainelibrary.org
