Page Text
________________
४६२
जयधवलासहिदे कसायपाहुडे उक्कड्डणादो झीणहिदिय। 'समयुत्तराए उदयावलियाए तिस्से हिदीए जं पदेसग्गं तस्स पदेसग्गस्प्त जइ जहणियाए आबाहाए समयुत्तराए ऊणिया कम्महिदी विदिक्कता तं पदेसग्गं सक्का आवाधामेत्तमुक्कटिउमेकिस्से हिदीए णिसिंचिद् । 'जइ दुसमयाहियाए आबाहाए ऊणिया कम्महिदी विदिक्कंता तिसमयाहियाए वा आवाहाए ऊणिया कम्महिदी विदिक्कता। एवं गंतूण वासेण वा वासपुधत्तेण वा सागरोवमेण वा सागरोवमपुधत्तेण वा ऊणिया कम्महिदी विदिक्कता तं सव्वं पदेसग्गं उक्कड्डणादो अज्झीणहिदिय।
समयाहियाए उदयावलियाए तिस्से चेव हिदीए पदेसग्गस्स एगो समओ पबद्धस्स अइच्छिदो त्ति अवत्थु । दो समया पबद्धस्स अइच्छिदा त्ति अवत्थु । तिण्णि समया पबद्धस्स अइच्छिदा ति अवत्थु । एवं गिरंतरं गंतूण आवलिया पबद्धस्स अइच्छिदा ति अवत्थु । 'तिस्से चेव हिदीए पदेसग्गस्स समयुत्तरावलिया बद्धस्स अइच्छिदा ति एसो आदेसो होज । तं पुण पदेसग्गं कम्महिदि णो सक्का उक्कड्डिदु । समयाहियाए आवलियाए ऊणिय कम्महिदि सक्का उक्कड्डिदु। एदे वियप्पा जा समयाहियउदयावलिया तिस्से हिदीए पदेसग्गरस । एदे चेय वियप्पा अपरिसेसा जा दुसमयाहिया उदयावलिया तिस्से हिदीए पदेसग्गस्स । एवं तिसमयाहियाए चदुसमयाहियाए जाव आवाधाए आवलियूगाए एवदिमादो ति ।
आवलियाए समयूगाए ऊणियाए आबाहाए एवदिमाए हिदीए जं पदेसग्गं तस्स के वियप्पा ? "जस्स पदेसग्गस्स समयाहियाए आवलियाए ऊणिया कम्महिदी विदिक्कता तं पि पदेसग्गमेदिस्से हिदीए गत्यि । जस्स पदेसग्गस्स दुसमयाहियाए
आवलियाए ऊणिया कम्महिदी विदिक्कता तं पि णत्थि । "एवं गंतूण जद्देही एसा हिदी एत्तिएण ऊणा कम्महिदी विदिक्कता जस्स पदेसग्गस्स तमेदिस्से हिदीए पदेसग्गं होज । तं पुण उक्कड्डणादो झीणहिदिय । एदं हिदिमादि कादूण जाव जहणियाए आबाहाए एत्तिएण ऊणिया कम्महिदी विदिक्कता जस्स पदेसग्गस्स तं पि पदेसग्गमेदिस्से हिदीए होज्ज । तं पुण सव्वमुक्कड्डणादो झीणहिदिय। "आवाधाए समयुत्तराए ऊणिया कम्महिदी विदिक्कता जस्स पदेसग्गस्स तं पि एदिस्से हिदीए पदेसग्गं होज्ज । तं पुण उक्कड्डणादो झीणहिदिय। "तेण परमज्झीणहिदिय' । "समयूगाए आवलियाए ऊणिया आवाहा एदिस्से हिदीए वियप्पा समत्ता ।
(१) पृ० २४७ । (२) पृ० २४८ । ( ३ ) पृ० २५१ । (४ ) पृ० २५२ । (५) पृ० २५३ । (६) पृ० २५७ । (७) पृ० २५८ । (८) पृ० २६० । (६) पृ० २६१ । (१०) पृ० २६२ । (११) पृ० २६३ । (१२) पृ० २६४ । (१३) पृ० २६५ । (१४) पृ० २६६ ।
Jain Education International
For Private & Personal Use Only
www.jainelibrary.org
| SR No. | 001413 |
| Book Title | Kasaypahudam Part 07 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatiya Gyanpith |
| Publication Year | |
| Total Pages | 514 |
| Language | Prakrit, Sanskrit, Hindi |
| Classification | Book_Devnagari, Agam, Canon, & Karma |
| File Size | 13 MB |