Page Text
________________
४५७
परिसिहाणि तम्मि संजमासंजमं संजमं च बहुवारं लदाउओ कसाए च उत्सामिदाउओ। तदो कमेण मणुस्सेसुववण्णो। दीहं संजमद्धमणुपालेदूण कसायखवणाए अब्भुट्टिदो तस्स चरिमसमयअधापवत्तकरणे जहण्णगं लोभसंजलणस्स पदेससंतकम्मं । 'एदमादिं कादण जावुक्कस्सय संतकम्मं णिरंतराणि हाणाणि । 'छण्णोकसायाणं जहण्णय पदेससंतकम्म कस्स ? अभवसिद्धियपाओग्गेण जहण्णएण कम्मेण तसेसु आगदो । तत्थ संजमासंजमं संजमं च बहुसो लदो। चत्वारि वारं कसाए उवसामेदूण तदो कमेण मणुसो जादो। तत्थ दीहं संजमद्धं कादण खवणाए अब्भुहिदो तस्स चरिमसमयहिदिखंडए चरिमसमयअणिल्लेविदे छण्णं कम्मंसाणं जहण्णय पदेससंतकम्म । 'तदादिय जाव उक्कस्सियादो एगमेव फद्दयं ।
पुस्तक ७ 'कालो। 'मिच्छत्तस्स उकस्सपदेसविहत्तिओ केवचिरं कालादो होदि ? जहएणुकस्सेण एगसमओ । अणुकस्सपदेसविहत्तिो केवचिरं कालादो होदि ? जहण्णुकस्सेण अणंतकालमसंखेजा पोग्गलपरियट्टा । 'अण्णोवदेसो जहण्णेण असंखेजा लोगा ति । अधवा खवगं पडुच्च वासपुधत्तं । “एवं सेसाणं कम्माणं णादण णेदव्वं । ‘णवरि सम्मत्त-सम्मामिच्छत्ताणमणुक्कस्सदव्धकालो जहण्णेण अंतोमुहुत्तं । उकस्सेण वेछावहिसागरोवमाणि सारिदेयाणि । “जहण्णकालो जाणिदण णेदव्यो।।
"अंतरं । मिच्छत्तस्स उक्कस्सपदेससंतकम्मियंतरं जहण्णुक्कस्सेण अणंतकालमसंखेजा पोग्गलपरियट्टा । एवं सेसाणं कम्माणं णेदव्वं । णवरि सम्मत्त-सम्मामिच्छत्ताणं पुरिसवेद-चदुसंजललणाणं च उक्कस्सपदेसविहत्तिअंतरं पत्थि । "अंतरं जहण्णयं जाणिदूण णेदव्वं ।
"गाणाजीवेहि भंगविचओ दुविहो जहण्णुक्कस्सभेदेहि । अहपदं कादूण सव्वकम्माणं णेदव्वो। "सव्वकमाणं णाणाजीवेहि कालो कायव्यो। "अंतरं णाणाजीवहि सव्वकमाणं जहण्णेण एगसमओ । उक्कस्सेण अणंतकालमसंखेज्जा पोग्गलपरियट्टा ।
"अप्पाबहुअं। सव्वत्थोवमपञ्चक्खाणमाणे उक्कस्सपदेससंतकम्मं ।"कोधे उक्कस्सपदेससंतकम विसे साहियं । मायाए उक्कस्सपदेससंतकम्म विसेसाहियं । लोभे उक्कस्सपदेससंतकम्मं विसेसाहियं । पञ्चक्रवाणमाणे उक्कस्सपदेससंतकम्म विसेसाहियं । "कोधे उक्कस्सपदेसंतकम्मं विसेसाहियं । मायाए उकस्सपदेससंतकम्मं विसेसाहियं ।
(१) पृ० ३८४ । (२) पृ० ३८५-३८६ । (३) पृ० ३८६ । (४) पृ० १। (५) पृ० २ । (६) पृ० ३ । (७) पृ० ४ । (८) पृ० ५ । (६)पृ०६ । (१०) पृ० ७ । (११) पृ० २५ । (१२) पृ० २६ । (१३) पृ० २७ । (१४) ३७ । (१५) पृ० ५०। (१६) पृ० ५३ । (१७) पृ० ७४ । (१८) पृ० ७५ । (१६) पृ० ७६ ।
Jain Education International
For Private & Personal Use Only
www.jainelibrary.org
| SR No. | 001413 |
| Book Title | Kasaypahudam Part 07 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatiya Gyanpith |
| Publication Year | |
| Total Pages | 514 |
| Language | Prakrit, Sanskrit, Hindi |
| Classification | Book_Devnagari, Agam, Canon, & Karma |
| File Size | 13 MB |