________________
जयधवलासहिदे कसायपाहुडे किट्टीकयवीचारे संगहणीखीणमोहपहवए । सत्तेदा गाहाओ अण्णाओ सभासगाहाओ॥९॥ संकीमणओवदृणकिट्टीखवणाए एकवीसं तु। एदाओ सुत्तगाहाओ सुण अण्णा भासगाहाओ ॥१०॥ पंच य तिण्णि य दो छक्क चउक्क तिण्णि तिणि एक्का य। चत्तारि य तिणि उभे पंच य एक तह य छक्कं ॥११॥ तिण्णि य चउरो तह दुग चत्तारि य होंति तह चउक्कं च ।
दो पंचेव य एका अण्णा एका य दस दो य ॥१२॥ (१) पेजद्दोसविहत्ती हिदि-अणुभागे च बंधगे चेय ।
वेदग-उवजोगे वि य चउहाण-वियंजणे चेय ॥१३॥ (२) संम्मत्तदेसविरयी संजम उवसामणा च खवणा च ।
दंसणचरित्तमोहे अद्धापरिमाणणिद्देसो ॥१४॥
चु०सु०-अत्थाहियारो पण्णारसविहो । तं जहा, पेजदोसे १ । विहँत्तिहिदिअणुभागे च २। बंधेगे त्ति बंधो च ३, संकमो च ४। वेदए ति उदओ च ५, उदीरणा च ६। उवजोगे च ७। चउठाणे च ८। वंजणे च ६। सम्मत्ते त्ति दसणमोहणीयस्स उवसामणा च १०, दंसणमोहणीयक्खवणा च ११ । देस विरदी च १२ । 'संजमे उक्सामणा च खवणा च' चरित्तमोहणीयस्स उवसामणा च १३, खवणा च १४ । 'दसैणचरितमोहे' त्ति पदपरिवूरणं । अद्धापरिमाणणिदेसो त्ति १५ । एसो अत्थाहियारो पण्णारसविहो ।
तस्स पाहुडस्स दुवे णामधेजाणि । तं जहा, पेजदोसपाहुडे ति वि, कसायपाहुडे त्ति वि । तत्थ अभिवाहरणणिप्पण्णं पेजदोसपाहुडं। णयदो णिप्पण्णं कसायपाहुडं ।।
तत्थ पेजं णिक्खिवियव्वं-णामपेज़ हवणपेजं दव्वपेजं भावपेजं चेदि । णेगमसंगहववहारा सव्वे इच्छति । उजुसुदो ठवणवजे। सद्दणयस णामं भावो च । णोआगमदव्वपेजं तिविहं-हिंदं पेजं, सुहं पेज, पियं पेजं । गच्छगा च सत्तभंगा । ऐदं णेगमस्स । संगहववहाराणं उजुसुदस्स च सव्वं दव्वं पेजं । भावपेजं ठवणिज ।
(१) पृ० १६८ । (२) पृ० १७० । (३) पृ० १७१ । (४) पृ० १७७ । (५) पृ० १७८ । (६) पृ० १८४ । (७) पृ० १८५ । (८) पृ० १८६ । (६) पृ० १८७ । (१०) पृ० १८८ । (११) पृ० १८९ । (१२) पृ० १९० । (१३) पृ० १९१ । (१४) पृ० १६२ । (१५) पृ० १९७ । (१६) पृ० १९९ । (१५) पृ० २५८ । (१८) पृ० २५९ । (१६) पृ० २६२ । (२०) पृ० २६४ । (२१) पृ० २७१ । (२२) पृ० २७४ । (२३) पृ० २७६ ।
Jain Education International
For Private & Personal Use Only
www.jainelibrary.org
