Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 82

पृथ्वीसार-कीर्तिदेवकथानकम् 'ण कया होहिइ तीए पावाए देवयाणं पूया, जेण ण कयं केणावि मम सणाहत्तणं' । तओ भणिया सा तेण 'आ पावे ! देवयाणं पूयं ण करेसि?' । तीए भणियं 'मा रूससु, जइ ण पत्तियसि ता णिरूवेहि गंतूणं सब्वे सविसेसं पूइए' । निरूवियं च जाव 'तहेब' त्ति ताहे कोवाभिभूओ कुहाडयं घेत्तृण 'सव्वे भंजेमि' त्ति परिणओ जाव घायं उप्पाडेइ ताव गहिओ पुव्यजक्खेण हत्थे, भणिओ य ‘मा एवं करेहि, जया तुम में एगं पूयंतो तया हं निययाववायभीओ तुझ सया सन्निहिओ चेहूँतो, संपयं पुण अम्हाणं जक्खोवेक्खा जाया' । तओ तेण तव्वयणपडिबोहिएण तमेगं वज्जिय सेसा सव्वे जहाऽऽणीयहाणेसु मुक्का ।
[इन्द्रदत्तकथानकं समाप्तम् । ९.]
यथा चैषानेकदेवाकाङ्क्षा तस्य दोषाय संवृत्ता, एवमियमपीति ।
गतमाकाङ्क्षाद्वारम् । साम्प्रतं विचिकित्साद्वारम् । तत्र 'विगिच्छ' त्ति सूत्रावयवः । विचिकित्सा' आत्मानं प्रति फलाविश्वासरूपा चित्तविप्लुतिः ‘भवेयुर्ममानेनानुष्ठानेन खर्ग-मोक्षादयो न वा भवेयुः ?' इतिरूपा । विद्वजुगुप्सा वा विद्वांसः मुनयस्तेषां जुगुप्सा=निन्देति । तत्रोभयखभावायामप्येकमेव कथानकमाख्यायते
[१०. पृथ्वीसार-कीर्तिदेवयोः कथानकम् ] ____ अत्थि इह जंबुद्दीवे महाविदेहम्मि सिरिउरं नाम नयरं, नयरगुणाणं णिवासठाणं व निरुवहयं । जं च जिणेदवयणं व नेगम-संगह-बवहार-समद्धासियं पहाणायारं च, गगणतलं व सूर-राय-मंगल बुह-गुरु-कविहंस-सुयसमण्णियं चित्तोबसोहियं च, विण्ड व्य सुदरिसणाधारं लच्छीनिवासं च, गिरिवरो व्व वंससयसंजुयं सावयाउलं च, कोदंडं व सनिकेयणं सगुणं च । किं बहुणा ? .. तं सुरनयरसमाणं पवरपुरं अरिकरिंदवणसीहो । भडचडगरपरिउत्तो पालइ सत्तुंजओ राया ॥ १
____ जो य जणगो व्व पयापरिवालणोजओ, महाधणुधरो व्व सरलो, नवजोव्वणुझुरकामुउ व्व पियाभिलावी, तिकूडसेलो व्व निक्कलंको, महेसरो व्व सभूई, सूरो व्व गोणायगो त्ति । किं बहुणा ? जो गुणगणणिप्फायणपच्चलो सुवन्नं व । तस्सत्थि पिया सोहग्गगव्विया जयसिरी णाम ॥ २
जा य हंसि व्व निम्मलोभयपक्खा, बाणगइ व्व उजुसहावा, सूरमुत्ति व्व सुवित्ता, सरयकालरयणि व्व सुनिम्मलणही, कण्हगोणि व्व सुपया, वरसुत्तहारणिम्मियदेवकुलिय व्व सुजंघा, पव्वयमेहल व्व सुणियंबा, महाडइ व्व ससूयरा, तुंबवलि व्व सुनाहिया, पाउसलच्छि व्व सुपओहरा, कावोडि व्व सुवाहिया, पयापालणरवइभूइ व्व सुकरा, रामायणकह व्व सुग्गीवा, जच्चसारिय व्व सुवयणा, महाधणसाहुवणियतणु व्य अहीणणासा, रविधय व्य सुनेत्ता, साविय व्व सुसवणा, आएजवयणगुरुमुत्ति व्य सुसीसा, बालिय व्व सुमुद्धय त्ति । ताणं च जम्मंतरोवज्जियविसयसुहमणुहवंताणं वच्चर कालो । __अन्नया य पसूया जयसिरी एगसमएण चेव पुत्तजुयलयं । समए य पइट्ठात्रियाइं ताण णामाई पढमस्स पुहइसारो, बीयरस कित्तिदेवो त्ति । सो य राया देवी य सावगाणि विसुद्धसम्मत्तसंजुत्ताणुव्वयधराणि । तओ ताणि ते पुत्ते पाडिति जिणबिंब-गुरूणं पाएसु । ण य पडंति, बला पाडिज्जंता आरडंति । तओ पवडमाणा जाव जाया अवारिसिया ताव सिक्खाविया बाहत्तरी कलाओ. ण यमणागं पि धम्मे
10 D रूस, जह। 2A B सव्वं । 3A Bण, भणि। 4 A B करेह। 50 D°वेक्खी। 6 Bच, जच गगण, Aप्रत्यादर्श पाठोऽयं त्रुटितः। 7 B यमंजुय, Aप्रतौ पाठत्रुटिः। 80D रसरिच्छं। 90D परिकिण्णो। 100 D°लनहा। 11 Bय । पयट्ठा', Aपुस्तके पाठभङ्गः। 12 0 D त्तरि ।