Page Text
________________
भीम-महाभीमकथानकम् अप्पोदगा य मग्गा वसुहा वि य पक्कमट्टिया जाया ।
अन्नोकंता पंथा साहणं विहरियं कालो ॥ ३२ तओ इमं विहारक्कमसूयगं सुणिऊण उव्वाहुलयभरभरेज्जमाणमाणसेहिं वंदिऊण भणियं तेहिं 'जहा भयवं ! महारंभाइपसत्ताण तुम्ह पायसुस्सूसणापयपवाहपक्खालेज्जमाणपावपंकाणं अम्हाणं अणुग्गहट्टाए किं ण इत्थ चेव चिट्टेस्सह, जेण एवं भणह ?' । गुरूहिं भणियं 'सावया ! न एस कप्पो साहूणं । जओ भणियमागमे
संमणाणं सउणाणं भमरकुलाणं च गोउलाणं च ।
अणियाओ वसहीओ सारइयाणं च मेहाणं ॥३३ ता महाणुभावा ! न इत्थऽत्थे आगहो काययो, वट्टमाणजोगेण य चाउम्माससमत्तीए विहरिस्सामो'। अन्नम्मि य दिणे संवहंतेसु साहूसु आमंतिऊण ते भाणयं(?या) गुरूहिं जहा 'पभाए अम्हाणं अणुकूलं पत्थाणदिणं ता भो भद्दा ! परिभाविऊण संसारासारत्तणं, चवलत्तणमिंदियाणं, खणरमणीयत्तणं विसयाणं, निच्चपरिसडणसीलत्तणमाउयदलाणं, दुग्गइनगरगमणपगुणमग्गत्तणं च पावायरणाणं, गेण्हह सव्वविरइपमुहं किंचि विरइट्ठाणं' । तओ 'कहिं मरुत्थलीए कप्पपायवो?, कहिं मायंगगेहे एरावणो हत्थी ?, कहिं दालिद्दियगेहे रयणबुट्ठी, कहिं अम्हारिसा पाणिणो?, कहिं एवंविहा सामग्गि?' त्ति संपहारिऊण भणियं तेहिं 'भयवं ! जमम्हाणमुचियं तं सयमेव संपहारिऊण उवइसह । तओ गुरूहिं 'एयस्सेव उचियंति चिंतिऊण दिन्नं ताण रायंभोयणवयं । कहिया य तद्दोसा जहा
मालिंति महियलं जामिणीसु रयणीयरा समंतेणं । ते विट्टालिंति फुडं रयणीए भुंजमाणा उ ॥ १० मेहं पिपीलियाओ हणंति, वमणं च मच्छिया कुणइ । जूया जलोयरत्तं, कोलियओं' कुट्ठरोगं च ॥ ११ वालो सरस्स भंगं, कंटो लग्गइ गलम्मि दारुं च । तालुम्मि विंधइ अली वंजणमज्झम्मि भुंजतो ॥ १२ जीवाण कुंथुमाईण घाइणं भाणधोयणाईसु । एमाइ रयणिभोयणदोसे को साहिउं तरइ ? ॥ १३ तथा निशीथभाष्येऽप्युक्तम्
जइ वि हु फासुयदव्वं कुंथू-पणगाइ तह वि दुप्पस्सा । पच्चक्षणाणिणो वि हु राईभत्तं परिहरंति ॥ ३४ जइ वि हु पिवीलिगाई दीसंति पईवमाइउज्जोए । तह वि खलु अणाइन्नं मूलवयविराहणा जेणं ॥ ३५ ।
(निशीथभाष्यगा० ३३९९-३४००) एवं च दाऊण तेसिमणुसढि राईभोयणवयं च पभायसमये पट्ठिया सूरिणो । ते य दो वि करकलियकरालकरवाला पहिया गुरूण पुरओ, जाव पत्ता गुरुणो सीमंतं । तओ नियत्तिउकामेहिं वंदिया तेहिं गुरुणो । भणियं च गुरूहिं जहा'यभंगे गुरुदोसो थेवस्स वि पालणा गुणकरी उ ।' तम्हा दढव्वएहिं होयव्वं एत्थ वत्थुम्मि ॥ १४ एवं(व) भणिऊण गुरुणो अन्नं देसंतरं गया, ते वि । 'इच्छंति भाणिऊणं संपत्ता निययगेहम्मि ॥ १५ अह अन्नया कयाई चोरसमेएहिँ अण्णविसयम्मि । गंतुं अइप्पभूयं आणीयं गोहणं तेहिं ॥ १६
_1 विहर्तुम् । 2 गाथेमा ओघनिर्युक्तौ १७२तमी समुपलभ्यते। 3 A B °णे सुसंव। 4 A B °णसमग्ग । 500 °व परिभाविऊण। 60 D राईभो । 7 0 0 °ओ कोढरोगं । 8CD
राईभो । 7 0 °ओ कोढरोगं । 8 CD घायणं भाणधोइणा। 9 एकादशमोद्देशके। 10 पञ्चाशके पञ्चमपञ्चाशकस्य द्वादशमीगाथायाः पूर्वार्धमिदम् ।
Jain Education International
For Private & Personal Use Only
www.jainelibrary.org
| SR No. | 001387 |
| Book Title | Mulshuddhiprakarana |
| Original Sutra Author | N/A |
| Author | Pradyumnasuri |
| Publisher | Prakrit Text Society Ahmedabad |
| Publication Year | |
| Total Pages | 248 |
| Language | Prakrit |
| Classification | Book_Devnagari, Ethics, Philosophy, & Religion |
| File Size | 21 MB |