Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 33

१०
सटीक मूलशुद्धिप्रकरणम् 'बालियाए' त्ति भणंतीए गज्जियरवेणं रयणवुट्ठी मुक्का । तओ सा गजियरवोत्तत्था तस्स पाएसु विलग्गा। तओ 'अणुकूलोबसग्गो' ति कलिऊण गओ तुरिय-तुरियं साहू अन्नत्थ । रयणवुट्टि निवडियं सोऊण समागओ सपउरो राया । तओ राया तं रयणवुद्धिं गेण्हिउमाढत्तो । देवयाए फुरंतफडाडोयभीसणसप्पाइउट्ठाणेण वारिओ। भणियं च 'मए एयाए दारियाए “वरणए एयं दत्तं ।' तओ संगोवियं तीए जणएण' । पविट्ठा य नयरं । समागच्छंति य तीसे वरया । भणियं च तीए 'ताय ! किमेए समागच्छंति ? ।' सेट्ठिणा भणियं 'पुत्ति! तुज्झ वरया ।' तीए समुल्लवियं 'तीय ! नीइसत्थे वि विरुद्धं कनगाणं बिइयं दाणं । यतः
सकृजल्पन्ति राजानः सकृजल्पन्ति साधवः ।
सकृत् कन्याः प्रदीयन्ते त्रीण्येतानि सकृत् सकृत् ॥ २० दिन्ना य अहं तुब्भेहिं जस्स संतियं धणं पडिच्छियं । किं च देवयाए वि अणुमन्नियं । ता कहमन्नं वरेमि ?, सो चेत्र मे पई ।' सेट्ठिणा भणियं 'पुत्ति ! सो कहं णज्जिही ? ।' तीए भणियं 'तया मए गजियरवोत्तट्ठाए पाएसु विलागाए तस्स दाहिणपाए एयारिसं लंछणं दिट्ठमासि; तेण णज्जिही ।' तओ सेट्ठिणा समाणत्ता 'जइ एवं ता पुत्ति ! सव्वभिक्खयराणं तुमं भिक्खं देहि, मा कयाइ सो समागच्छइ ! ।' इओ य भवियव्वयानिओगेण मूढदिसाभागो' सो समागओ बारसमे संवच्छरे । पञ्चभिन्नाओ य तीए। भणिउं चाढत्ता । अवि यहा नाह! हा गुणायर ! मह हिययाणंद ! इत्तियं कालं । कत्थ ठिओ मं दीणं दुहियमणाहं पमुत्तणं? ॥ १७ जप्पभिई सामि ! तुमं तझ्या वरिओ मए सइच्छाए । तप्पभिई मह हियए अन्नस्स य नत्थि अवगासो ॥ १८ संपइ मह पुण्णाई बलियाई जमिह आगओ तं सि । ता कुणभु दयं पिययम! पाणिग्गहणेण मह इण्हि ॥ १९
इमं च सोऊण समागओ सेट्ठी । हक्कारिओ राया । तेहिं वि भणिओ 'महाभाग! भणिया "वि अणेगसो न एसा तुमं वज्जिय अन्नं मणेणावि वंछइ । भणइ य
सो वा महाणुभावो मह देहं छिवइ कोमलकरहिं । अहवा जलंतजालो जलणो एयं वयं मज्झ ॥ २० ___ता पडिवज्जसु एयाए पाणिग्गहणं' ति । तओ अवस्सवेइयव्यकम्मोदयाओ, देवयावयणसुमरणाओ, तेसिं च निबंधाओ, परिणीया । भोगे य भुंजंतस्स समुप्पन्नो पुत्तो । जाव सो किंचि वत्तो जाओ ताव मोक्कलाविया जहा 'पव्वयामि, संपयं एस ते दुइओ' ति। तओ सा पुत्तवुप्पायणाणिमित्तं पूणियं चत्तं च गहाय कत्तिउमाढत्ता। तओ सुएण भणिया 'किमंब! इयरजणपाउग्गं कम्मं काउमादत्ता' । तीए भणियं 'पईरहियाण नारीणं एवं चेव विभूसणं । तेण संलत्तं 'हा "किमंब! तायम्मि विजमाणे एवं वाहरसि?' तीए भणियं 'गंतुकामो दीसए ते जणगो । तेण वि 'कहिं गच्छइ ?, बंधित्ता धरेमि' त्ति मम्मणुल्लाविरेण तीए हत्थाओ चत्तं गहाय पाएसु सुत्ततंतूहि वेढित्ता भणियं 'अम्मो! वीसत्था चिट्ठाहि, एस ताओ मए बद्धो न कहिंचि गमिस्सइ ।' तओ तेण चिंतियं 'अहो! बालयस्स ममोवरि सिणेहासंघओ; ता जत्तिया णेण वेढया दिन्ना "तत्तियवरिसाणि चिट्ठिस्सामि त्ति, जाव गणेइ ताव दुवालस । "ठिओ दुवालस वासाणि । तदंते य रयणीए चरमजामम्मि पडिबुद्धो सुमरिऊण पुव्ववुत्तंतं विलविउमाढत्तो । तहा य
धी धी अहं अणज्जो घेत्तुं जो सव्वविरइसामइयं । एवं पमायवसगो विसयामिसकद्दमे खुत्तो ॥ २१ वारितीए वि य देवयाइ चडिउं पइन्नगिरिसिहरे । हा हा कह ल्हसिऊणं पडिओ संसारकूवम्मि ॥ २२
10 D बालाए। 20 D °टिं च निव। 3 C D °ए य फुर। 4 C D वरणे। 5A B °ण य । पविट्ठा नयरं। 6A B यं तीए। 7 C D ताइ!। 8 C D जस्संतियं । 90 D°गो समागओ सो बा। 10 C D °स्स न अस्थि । 11 A B सु सयं। 12 C D वि य णेगसो। 13 C D माढतं। 140D पइविरहि। 15 CD किमम्बे!। 160 D गच्छद। 170 D तत्तियाणि वरि। 180 D मि, जाव। 19CD ठिओ यदु।