Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 225

२०२
सटीके मूलशुद्धिप्रकरणे चतुर्थ स्थानकम् एयं च समायण्णिऊण राइणा भणियं जहा 'पुत्ति ! अज्ज वि बालो वयविसेसो, अलंघो जोव्वणवियारो, दुजओ मोहप्पसरो, बलिओ इंदियग्गामो, ता विलसिऊण संसारविलसियव्वाई, उवभुंजिऊण सयलिंदियसुहाई, अणुभुजिऊण सुरवरसमास(सा)इयं धणसमिद्धिं पच्छा जुज्जइ काउं धम्मोग्जमो; संपयं तु,
कत्थ इमं तुह तेलोकजंतुकयविम्हयं तणुसरूवं । कत्तो लायण्णुद्दलणपच्चलो तवविसेसो ? त्ति ॥५०
तुह ललियकंतिलायण्णहारिणो सुंदरस्स रूवस्स। हिमपवणो कमलस्स व विणासभूओ हवेज तवो ॥ जं जत्थ जया जुज्जइ काउं तं तह कुणंति बुहसंघा । किं कुणइ दारुकुंभम्मि कोइ बालो वि हव्ववहं ? ।।
इय तह तुह तणुलइयाए इरलायण्णकंतिसोहाए । होइ तवो कीरंतो विद्धंसणकारओ नूणं ॥५३ अण्णं च
तामरससच्छहं तुह सरीरयं कह सहेज्ज तिव्वतवं ? । तिव्वाऽऽयवं दुमो चेव सहइ नो किसलउब्भेओ॥ तिव्वं तवसंतावं सहेइ वयपरिणओ, न बालतणू । आयवदंसणमित्तेण सुसइ गोपयगयं वारि ॥५५ इय वयवुढि च्चिय होइ कारणं इदुसाहणथम्मि । उज्जोवइ पुण्णससी, न इंदुलेहा जयं सयलं' ॥५६
तओ एयमायण्णिऊण ईसिवियसाविययणकमला जंपिउं पवत्ता चंदणा जहा “महाराय ! किं पडिबुद्धबुद्धिणो एवं विहाइं जपंति?, जओ---
सो च्चिय कालो जायइ तवस्स इह पंडिया पसंसंति । सामत्थं जत्थ समत्थवीरिए होइ जंतूणं ॥५७ अणहिंदियत्थसामत्थयाजुओ पढमजोव्वणे चेव । सयलाण वि करणीयाण पच्चलो जायए जंतू ॥ जड्या पुण सयलिंदियवेयल्लावण्णनीसहसरीरो । इह उट्ठिउं पि न तरइ तइया किं कुणउ कायव्वं ॥ वीरियसज्झो जायइ तवो त्ति तणुमित्तसाहणो नेय । कुलिसं चिय दलइ गिरी, न कयाइ वि मट्टियापिंडो॥ इय रहिओ कह सामत्थयाए काउं तरेज्ज किंपि नरो । इच्छामि तेण काऊण जोव्वणे च्चेय धम्ममइं॥
___ अण्णं च एसा चेव रयणवुट्टी पुण्णाणुबंधसंसिणी उच्छाहइ मं धम्मुज्जमे, किंच तुम्भेहिं न सुयं विउसजणजंपियं 'न धम्मरहिया सव्वसंपयाणं भायणं हवंति"। एत्थावसरम्मि य पुरंदरेण भणिओ सयाणियपत्थिवो जहा “भो नराहिव ! मा एवं भणसु, जओकिं न हु] मुणियं तुमए 'एसा संपुण्णसीलगुणविह्वा । चंदणतरुणो साह व्व चंदणा सीयला धणियं ॥
एसा हुँ भयवओ वद्धमाणतित्थंकरस्स पढमयरा । अज्जाण संजमुज्जमपवत्तिणी 'होहिई अणहा' ॥ हियय विचिंतियसरहसपव्वज्जाकाललालसा एसा । आभासिउं पि जुज्जइ न अन्नहा, किं थे बहुएण ॥ चिट्ठः निहेलणे च्चिय तुम्हं ता जाव होइ सो समओ। जयगुरुणो पव्वज्जाणुग्गहकरणस्स जो जोग्गो॥ एयं पि इमाए चेव होइ सुरमुक्करयणवुद्धिधणं । गिण्हउ, जहिच्छिय देउ जस्स जं जोगमेत्ताहे" ॥ तो सा सुराहिवइणो अणुमइमेत्तेण सव्वधणसारं । सेट्ठिस्सऽणुमण्णेउं, नरवइगेहं पइ पैयट्टा ॥६७ दीणा-ऽणाहाईणं वियरंती तं धणं जहेच्छाए । नीया सयाणिएणं समंदिरं गोरवं काउं ।।६८ सुरनाहवयणउच्छाहिएण संपूइऊण धणसेटिं। कण्णंऽतेउरमझे ठविया काऊण अक्खूणं ॥६९
TA B°णुहविऊण । 2 A B °समाणाइयं । 3 A B न यंदु । 4 c D यल्लविइणइण(यल्लविइण्ण)नीस। 5 A B इय उ । 6 cD हि । 7 A B होही अणग्घा । 8 cD च। A B बहवेण । 10 A Bउगिहंगणे चिय। 11 A B पइट्टा ।।