Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 220

चन्दनार्याकथानकम्
१९७ वहरसेणो । उप्पन्नदिव्वनाणो य विहरि पयत्तो । वरनाभो य उप्पनचक्काइमहारयणो चक्की जाओ। कणगनाभादयो य महासामंता । एवं च पभूयकालं रज्जमणु जिऊण निम्विन्नकामभोगा नियपिउतित्थयरसमीवे पव्वइया । अहं पि तेहिं सह गाहयदिक्खो समणो जाओ। वइरनामो पढियचोदसपुवो भगवया सूरिपएऽणुण्णाओ । इयरे एक्कारसंगधारिणो । तत्थ य बाहू वेयावच्चं करेइ, अवि य--- पंचण्ह मुणिसयाणं आणेउं भत्त-पाणमुवणेइ । वरचीर-पत्त-कंबल-दंडयमाईणि य जहेच्छं ॥१२०
ओसह-भेसज्जाणि य पीढय-संथार-फलहगाईणि । जो जं इच्छइ साहू आणइ अगिलाइतं तस्स १२१ बीओ पुणो सुबाहू सज्झाय-ऽज्झयण-झाणझवियाण । विस्सामणं करेई अपरिस्संतो महासत्तो ॥१२२ भोगहलं बाहुवलं दोहिं वि कम्मं समज्जियं तेहिं । सव्वुक्किट्ठसखवं देवाण वि कयचमक्कारं ॥१२३ पीढ-महापीढा पुण सरंति अणवरयमेव सज्झायं । अणवरयं वि य सूरी पसंसणं कुणइ पढमाणं १२४ चिंतंति तओ इयरे 'रायसहावं गुरू न मुचंति । जो च्चिय करेइ कज्ज अणवरयं तं पसंसंति' १२५ इय मायाइ गुरूणं उवरिं अप्पत्तिएण थीगोत्तं । बंधंति, वयमुदारं पालियमम्हेहि बहुकालं ॥१२६ अंते अणसणविहिणा छप्पि जणा अहसमाहिणा कालं । काऊणं सवढे विमाणपवरम्मि उप्पण्णा १२७ तेत्तीससागराइं तत्थ सुहं भुंजिऊण तो सामी । पुत्वभवबद्धतित्थयरनाभकम्मोदयवसेणं ॥१२८॥ चविउं इह उप्पण्णो पढमो तित्थंकरो उसमनाहो । नर-सुरवंदियचलणो पियामहो एस पच्चक्खो । सेसा कमेण भरहो बाहुवली बंभि सुंदरी अयं । तत्थ जिणेणाऽऽइटुं 'जहेस तित्थंकरो पढमो १३० भरहम्मि वइरनाहो, सेसा तत्थेव लहिय मणुयत्तं । उप्पण्णदिब्वनाणा सासयसोक्खं लहिस्संति' ॥१३१ ता भो ! जिणिदलिंगं दट्टणं सुमरिया मए जाई । भिक्खादाणं पि इमं तत्तो च्चिय जाणिउं दिण्णं ॥ तं सोऊणं रायाइएहिं उब्भिण्णपयडपुलाहिं । अहियं पसंसिओ सो, तओ गया निययठाणेसु ॥१३३॥ सेज्जंसेण वि पहुणो पारणठाणम्मि रयणमयपीढं । पयअक्कमणभएणं विहियं अच्चेइ तिर्यकालं ॥१३४ तं दटुं लोगो वि हु करेइ तह चे, तं च कालेणं । गच्छंतेण पसिदं जायं संचउरपेढं ति ॥१३५ उप्पण्णम्मि य नाणे जिणस्स तो गिहिऊण सामण्णं । उपाडिऊण नाणं सेज्जंसो सिवपयं पत्तो ॥ भवणं धणेण, भुवणं जसेण, भयवं रसेण पडिहत्थो । अप्पा निरुवमसोक्खे सुपत्तदाणं महग्धवियं ॥१३७
श्रेयांसाख्यानकं समाप्तम् ॥३०॥ सम्प्रति चन्दनाख्यानकम्-----
[चन्दना कथानकम् ] अत्थि इहेव जंबुद्दीवे दीवे भारहे वासे अंगांजणएव गयणग्गलग्गमहासाल-गोपुर-ऽट्टीलयतोरण-भवण-देवकुलालंकिया चंपा नाम नयरी। तत्थ य गिरिवरु व्व वणराइविराइओ खग्गसंगओ सारंगसमण्णिओ सुवंसो सुगंडो सुपाओ दहिवाहणो नाम राया । तस्स य चेडयमहारायदेहुब्भवा
1c D°यरे य ए° । 2 A B य-ज्झाण ऽझयणझवि। 3A B °य अम्हें। 4 c D तो । 5A B विहि। 6cD विक्कालं । 7 A B व बहयका । 8 C D अंगज । 9 A Bणलग्ग। 10c D डाल-तो।