Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 218

श्रेयांसकथानकम्
१९५
ओयणं' । तओ अम्हे नियपुत्तं नयरे ठविऊण पत्थियाणि, जाव पत्ताणि सरवणं नाम वणसंडं । तस् य मज्झेण पंथो वच्चइ । तओ लोगेण वारियाणि 'मा एएणं मग्गेणं वच्चह, इत्थ दिट्ठविसो सप्पो चिटुइ' । तओ अम्हे अण्णमग्गेण पत्ताणि पौंडरिगिणिं । अम्हाऽऽगमणं च सोऊण भउब्भंतलोयणा पणया सामंता पोक्खलपालस्स । तेण वि अम्हे पूइऊण विसज्जियाणि पत्थियाणि सनगरं, लोगेण य भणियं 'सरवणस्स मज्झेण गंतवं जओ मुणिकेवलनाणुप्पत्तिमहिमाकरणनिमित्तोवइयदेवप्पहाजालेण पडिहर्यं सप्पस्स दिट्ठिविसं' । क्रमेण पत्ताईं तत्थ, आवासियाणि य । तहिं च सागरसेण - मुणिसेणा मम सहोयरा अणगारा पुरओ ठिया । तओ अम्हेहिं दिट्ठा तवलच्छिपडिहत्था सारदसरजलपसन्नहियया सारदसगलससिसोमदंसणा तियसपरिसापरिवुडा धम्ममाइक्खमाणा । परेण य भत्ति बहुमाणेण वंदिया सपरिवारा । फासएण असण- पाण- खाइम - साइमेण पडिलाहिया य । तओ अम्हे तेसिं गुणे अणुगुणिताई चिंतिउं पवत्ताई, अवि य——
'घण्णा कयपुण्णा खलु सुलद्रमेयाण माणुस जम्मं । चइऊण रायलच्छिं जे फवइया जिणमयम्मि ॥ ९० ॥ सुयजलहिपारगामी दुक्करतवचरणकरणउज्जुत्ता । भवियकमलावबोहणदिणमणिणो पयडमाहप्पा ॥९१॥ बहुविहलद्धिसणाहा निम्मलजसपसरधवलियदियंता । खंता दंता मुत्ता गुणसयजुत्ता महासत्ता ॥९२॥ होही सो कवि दिणो, जझ्या परिचत्तसव्वसंगाईं । एवंविहमुणिदिक्खं गुरुपयमूलम्मि घेच्छामो ॥९३॥ किरियाकलावकरणुज्जयाई तवखवियपावकम्माई | संवेगभावियाई इय अणुकारं करिस्सामा ||९४॥ किंवा बहुणा परिचितिएण ?, अइचंचलम्मि जीयम्मि । पुत्तं ठवित्त रज्जे सिग्धं दिक्खं गहिस्सामो' ॥ इय विहिनिच्छयाई सुहभावणभावियाई नियनयरे । पत्ता, पुत्त्रेण वि भियणं अम्ह विरहम्मि ॥ दाणाईसंगहियं काउं विसजोगधूविओ धूवो । वासहरे अम्हाणं दिण्णो विणिवायणट्ठाए ॥ ९७ तमबुज्झताणि तहिं वीसज्जियपरियणाणि सुत्ताणि । विससंदूसियधाऊणि झत्ति कालं विहेऊण ॥ ९८ उप्पण्णाई जुवलयधम्मेणं एत्थ उत्तरकुराए । सव्वमिणं विन्नायं नाह ! मए जाइसरणाओ ॥९९
ता सामि ! जा निन्नामिगा जा सयंप्रभा जा य सिरिमई सा अहं । जो महब्बलो जो ललियंओ जो वरजंवा ते तुब्भे त्ति, एवं जीसे नामं गहियं में सा अहं सयंप्रभा । तओ सामिणा भणियं 'अज्जे ! जाईं सुमरिऊण देवुज्जोय दंसणेण चिंतेमि 'देवभवे वट्टिहि' त्ति मे 'सयंपभा' आभट्ठा, तं सव्वमेयं कहियंति । परितुद्रुमाणसाणि पुत्र्वभवसुमरणसंधुक्किय सिणेहाणि सुहागयविसयसुहाणि तिण्णि पलिओवमाणि जीविऊण कालगयाणि सोधम्मे कप्पे देवा जाया ।
तत्थ वितिणि पलिओवमाणि देवलोगसुहमणुहविऊण सामी चविऊण वच्छगावइ विजयमज्झद्वियपहंकरानयरीए सुविहिवेज्जपुतो केसवो नाम समुप्पन्नो । अहं पुण तत्थेव अभयघोसो नाम सेट्ठिसुओ संजाओ। तत्थं वि परमपीईपराणं राया - मच्च-सेट्ठि-सत्थवाहसुया परममित्ता संजाया । एवं च मेत्तीपराणं अण्णोण्णगिहागमणेण कालो अइक्कमइ । अण्णया है कयाइ वेज्जसुयगेहे चिट्टंताणं समागओ एगो किमिकुट्ठोवद्दुओ तवस्सी, तं च दट्ठूण वेज्जसुयमुद्दिसिय जंपियमम्हेहिं, अवि य
ICD ण य पं । 2 c D3 AB वट्टहि । 4 c D ण वच्छगाव |5AB पर। 6 C D य ।