Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 212

श्रेयांसकथानकम्
१८९ विणिग्गयं धम्मं, कहतरमवगच्छिय नियपिउपरलोयगई पुच्छिउमाढत्तो । तओ केवलिकहियसुब्वमाणभयावहनियपिउसत्तमपुढवीदुह्सायरसवणसमुप्पण्णसंवेगाइसओ गओ' नियनयरं । पुत्तसंकामियरज्जो य सुबुद्धिं भणइ जहा 'तुमे मम पुत्तस्स संपयं उवएसो दायब्वो' । सुबुद्धिणा भणियं 'देव ! मम पुत्तो इयाणिं नियसामिणो उवएसं दाही, अहं पुण तुब्भेहिं सह पव्वइस्सामि' । एवं च दो वि गहियसामण्णा सकज्जसाहगा जाया । ता देव ! तस्स हरियंदस्स वंसे संखाईएसु नरनाहेसु गएसु संपयं तुब्भे नरनाहा, सुबुद्धिवंसे य अहं । तं 'नियाहियारो' त्ति नाऊण विन्नप्पसे । अयंडविण्णवणकारणं पुण इमं-अज्ज मए नंदणवणं गएण दळूण चारणमुणिणो पुच्छिया तुम्हाऽऽउगप्पमाणं । तेहिं वि मासमितं चेव सिटुं" ।
तं च सोऊण जलगयाऽऽमगमट्टियामल्लगं व सीयमाणसव्वंगेण भणियं राइणा 'मित्त ! किमित्तियाउगो संपयं करिस्सामि ?' । सयंबुद्धेण भणियं 'न सव्वविरयाणं दिवसं पि थोवं' । तओ तव्वयणाणंतरमेव पुत्तविइण्णरज्जो गओ जिणमंदिरं । तत्थ य काऊण पूयं पञ्चक्खायचउब्विहाहारो पडिवनपाओवगमणो मरिऊण समुप्पन्नो तुम्ह सामी एस अहं पिए ! ललियंगो त्ति । सो वि मम मित्तो काऊण सामण्णं इत्येव दढधम्मो नाम तियसो जाओ।
ता एवं मए थोवो तवो अणुचिण्णो । तं अज्ज ! एयं मम तया ललियंगएण साहियं ।
एत्थंतरम्मि य ईसाणदेवरायसयासाओ" समागओ सो दढधम्मदेवो । भणियं च तेण 'ललियंगय ! देवराया नंदीसरदीवं जिणमहिमं काउं वच्चइ, गच्छामि अहं, विइयं ते होउ' । त्ति भणिऊण गओ सो। अम्हे वि इंदाणत्तीए गयाइं नंदिस्सरं । खणेण य कया जिणाययणेसु महिमा । तयणंतरं तिरियलोयसासयचेइयपूयण-वंदणं कुणमाणो चुओ ललियंगओ। तविरहानलजालाकलावकवलिज्जमाणकलेवरा गया हैं सपरिवारा सिरिप्पभं विमाणं । परिमुयमाणसोभं च मं दठूण आगओ सयंबुद्धो। भणियं चाऽणेण 'सयंपभे! चवणकालो ते वट्टइ, ता करेहि जिणाययणेसु पूयं जेण बोहिलाभो भवई' ।
तओ" हं तव्वयणाणंतरं नंदिस्सरदीवाइजिणमंदिरप्यापरायणा चुया समाणी समुप्पन्ना जंबदीवयविदेहपोक्खलावइविजयमज्झट्ठियपुंडरिगिणीपुरीपहुवइरसेण [ग्रन्थाग्रम् ६०००] चक्कवट्टिदेवीए गुणवईए कुच्छिसि धूयत्ताए । जाया कालक्कमेणं । कयं मे नामं सिरिमइ त्ति । तओ हं पिउभवणपउमसररायहंसी व धाईजणपरिग्गहिया जमगपव्वयसंसिया इव लया सुहेण वुडिंढ गया । गहियाओ साइसयाओ कलाओ। अन्नया य पओसे सवओभदं नाम पासायमभिरूढा नयरबाहिं मणोरमुज्जाणट्ठियमुट्ठियायरियकेवलनाणुप्पत्तीए दट्ठूण देवसंपायं 'कहिं मण्णे मए एयं दिदै' ति ईहा-ऽपृहपरा सुमरिऊण पुव्वजाई महादुक्खाभिहया मुच्छ्यिा पडिचारियाजणेण जलकणसम्मिस्सवाउदाणेणाऽऽसासिया
I c D °ओ णयरं । 2 A B त्ति भणिऊण । 3 c D °गपरिमाण । 4 c D जंपियं । 50D दिया। 6 c D °ण य स । 7 C D तइया। 8 A B ओ आगओ ।9 Bयवंद । 10c D चुयणका । 11 A B ओ तव । 12 c D पुरी[ग्रंथाग्रं ६०००]पहुं। 13 A B कयं नाम । 14 A B'व्वभई।