Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 208

श्रेयांसकथानकम् अक्खाए जइधम्मे सो जंपइ ‘किं ण तुज्झ किरियाए । पुण्णं किंचि वि जायइट' पडिभणइ' तयं तओ मिरिई ॥ 'अस्थि इहई पि किंचि वि', तं सोउं जंपए तओ कविलो। 'जइ एवं तुह किरियं अवियप्पमहं पि काहामि ॥ मिरिई वि 'मज्झ सरिसो एसो पावो त्ति को वि' नाऊण । नियदिक्खाए दिक्खइ, एवं परिवायगा जाया ॥ 'इहयं पि अस्थि किंचि वि' एएणेक्केण दुद्रुवयणेणं । अयराण 'कोडिकोडी संसारो मिरिइणा भमिओ ॥३६ इय वीरनाहचरियं सव्वं पि सविन्थरं कहेयव्वं । 'सुपसिद्धयंति काउं अम्हेहिं न इत्थ तं लिहियं ॥३७
ग्रामचिन्तकोदाहरणं समाप्तम् । २९.
अधुना श्रेयांसकथानकमाख्यायते--
[३०. श्रेयांसकथानकम्] अत्थि इहेव जंबुद्दीवे दीवे भारहे वासे कुरुजणवयालंकारेभूयं गयउरं नाम नयरं । तत्थ य बाहुवलिपुत्तो सोमप्पभो नाम राया । तस्स य पुत्तो सेज्जंसो नाम कुमारो । सो य अण्णया कयाइ रयणीए चरिमजामे सुमिणयम्मि मंदरं सामलीहूयं पासइ, सो य मए अमयकलसेहिं सित्तो विसेसओ पुणण्णवो जाओ । सोमप्पभेणावि सहस्सरस्सिबिंबाओ रस्सीओ निवडियाओ सुमिणए दिदाओ, सेज्जंसेण उक्खिविऊण संजोइयाओ अहिययरं दिप्पिउमाढत्ताओ । नगरसेद्विणा पुण कोइ महल्लपुरिसो सत्तुसिन्नेण सह जुज्झमाणो सुमिणए दिट्ठो, तेण तं सत्तुसेन्नं निट्ठवियपायं, सेज्जंसकुमारेण य से साहिज्ज कयं तेण सव्वं मुसुमूरियं । पभाए सव्वे वि मिलिया परोप्परं साहिति । परं सुमिणत्थमबुज्झमाणा जंपति जहा 'कुमारस्स किंपि कल्लाणं 'होहिई' त्ति । तओ उद्वित्ता नियनियगेहसु गया । सेज्जंसो वि नियगेहउवरिमतलगवैक्खए नगरसोहासमुदयमवलोयंतो चिटुइ ।
एत्तो य भयवं उसमसामी गहियजिणदिक्खो कयमोणव्वओ जत्थ जत्थ पविसइ तत्थ तत्थ वत्थाऽऽभरणा-ऽलंकार-कण्णया-रयण-करि-तुरगाइएहिं उवनिमंतिजइ, "जओ न जाणइ जणो 'केरिसा भिक्खा? केरिसा वा भिक्खयर 'त्ति । एवं च विहरमाणस्स भयवओ वोलीणो संवच्छरो तम्मि दिणे । दिट्रो पओलीदुवारेण पविसमाणो सेज्जंसकुमारेण । दणं य चिंतिउं पवत्तो, अवि य'जारिसमिमं पियामहरूवं लिंगं वयं पमाणं च । तारिसयं मम कत्थइ पडिहासइ दिट्ठपुव्वं व ॥१ ता कत्थ पुणो दिहूँ ?' इय ईहा-ऽपूह-मग्गणपरस्स । जायं जौइस्सरणं, तेण वि सो जाणिउं सव्वं ॥२ 'पडिलाहेमि जिणिंदं जइ एइ कहंचि मह गिहे' एवं । भावित्तु गवक्खाओ उत्तरिय गिहंगणं पत्तो ॥३ एत्थंतरम्मि तदंसणाय खोयरसपुण्णघडएहिं । संपत्ता के वि नरा, भयवं पि समागओ तत्थ ॥४ "तो दटुं तिजगगुरुं पयडसमुभिण्णबहलरोमंचो। गहिउँ "इक्खुरसकुडं भणइ 'अणुग्गहह मं भयवं !'५ 1 c D°इ तओ तयं मि। 2 c D किंचिं' तं । 3 c D कोडकोडी । 4 A B तो सेसो
D°बा रस्सी । 6 cD °ण से । 7 A B होइ त्ति । 8 cD वक्खे न । 9 A B तओ। 10 A Bण चि। 11 cD जाईसर । 12 A Bण विसेसेण जा । 13 cD मम मिहे । 14 cD ता । 15 c D उच्छुरस ।
मू० शु० २४