Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 126

सम्प्रतिनृपाख्यानकम्
१०३ अण्णो भणइ
जच्चाण णव किसोराण, तदिवसेण जायमित्ताण । __ केसेहिं नहं छाएमि, इत्थ वि ता मे होल वाएहि ॥ १६४ ॥ अण्णो भणइ
दो मज्झ अस्थि रयणाणि, सालपसूई य गदभिया य ।
छिन्ना छिन्ना वि रुहंति, इत्थ वि ता मे होल वाएहि ॥ १६५ ॥ अन्नो भणइ
सयसुकिलो णिचसुयंधो, भज अणुव्वय णत्थि पवासो।
निरिणो य दुपंचसओ, इत्थ वि ता मे होल वाएहि ॥ १६६ ॥ एवं च तेसिं भावं णाऊण मग्गिया जहोचियं दव्वइत्ता । गोहणइत्तो एगदिवसणवणीयं, आसवई एगदिवसजायतुरंगे, धण्णइत्तो सालिरयणाणि मग्गिओ । एवं भंडागार-कोट्ठागाराणि पडिपुण्णाणि कयाणि । तओ सत्थचित्तो रज्जधुरमणुपालेमाणो चिट्ठइ ।
अह अण्णया कयाई संजायं महारोरवं दुवालससंवच्छरियं दुब्भिक्खं । अवि य-- छुहसुसियमयकलेवरसुनिरंतरसंकुलाइ धरणीए । जीवंतयलोगाणं संजाया दुग्गमा मग्गा ॥५७ जत्थ य पुरिसाएहिं खजंत जाणिऊण जणणिवहं । गामाओ गामं पि वि न जाइ भयवेविरो लोगो ॥५८ जत्थ उ कोइ पुरंधी नियपुत्तं भोयणं विमग्गंतं । मुत्तूण जाइ अण्णं देसं णियजीयकंखाए ॥५९ का वि पुणो णियजीवियलुद्धा अइघोरपावपरिणामा । मोत्तूण कुलं सीलं भक्खइ वावाइउं पुत्तं ॥६० अन्ना वि सत्तवंता गयजीयस्सावि णिययतणयस् । अइणेहमोहियमणा वयणेस पक्खिवइ आहारं ॥६१ अन्ना वि रोवमाणं मग्गंतं भोयणं तओ कुद्धा । उव्वेइया छुहाए घायं दाऊण णिहणेइ ॥६२ जत्थ य भत्ता भज्ज मुंचइ, भज्जा वि णिययभत्तारं । जत्थ य भिक्खयरेहिं ण य लब्भइ किंचि काउंजे ॥६३ साहूण गिहत्थाण य गिहाओ गेहम्मि वच्चमाणाणं । हेजति गोवियाइँ वि जत्थ डइल्लेहिं भत्ताई ॥६४ किं बहुणा भणिएणं ?, सव्वं असमंजसं तहिं जायं । अइघोरे दुभिक्खे पाडलिपुत्तम्मि णयरम्मि ॥६५
इओ य अणागयमेव णाऊण तत्थ विहारक्कमागएहिं जंघाबलपरिक्खीणेहिं सिरिविजयसूरीहिं तत्थेव बुट्टावासं काउकामेहिं ठाविओ निययपए अण्णो सूरी । दिन्ना एगंतठियस्स बहू सोयिसओवएसा । पेसिओ" सबाल-वुड्डाउलगच्छेण सह अन्नत्थ सुभिक्खदेसे ।
तत्थ य दुवे खुड्डगा आयरियपडिबंधेण अइदूरं गयाण साहूण कहिंचि दिढिं वंचेत्ता समागया गुरुसमीवं । वंदिया गुरुणो । णिवेइओ णिययाभिप्पायवुत्तंतो । गुरूहिं भणियं 'दुट्ठ कयं जमागया, जओ इत्थ अमाया-पुत्तं दुभिक्खं भविस्सइ, तो वच्चह पुणो वि साहुमज्झे । तेहिं भणियं 'तुम्ह चरणाराहणं कुणंताणं जं होइ तं होउ, जओ न चएमो तुम्ह पायमूलं मोत्तुं' । तओ धरिया सूरीहिं । जाए य पुव्यवण्णिए दुब्भिक्खे जं किंचि सूरिणो मणोजं लहंति तं तेसिं बालगाणं पयच्छंति । तओ चिंतियं खुड्डएहिं 'ण एवं सुंदरं, जओ गुरुम्मि सीयमाणे का अम्हाणं गई भविस्सइ ?, जओ
जेण कुलं आयत्तं तं पुरिसं आयरेण रक्खेह । ण हु तुंबम्मि विणढे अरया साहारया हुंति ॥६६ ___ 1-3 A B वाएह। 4 A B साईहिं, मनुष्यभक्षकैरित्यर्थः। 50 D का वि पु। 60 D वाइयं पु । 7A B काउं जं। 80D पाटलि। 90D वुवा। 10 A B य कयएग। 110 D साइस। 1200 °ओ य सं। 130D 'भिप्पेय। 140D तो। 15 CD चलणा। 160D गुरूहि सीयमाणेहिं का। 17 0D रक्खाहि।