Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 122

सम्प्रतिनृपाख्यानकम्
९९
माणुसभिक्खं' ति । तओ 'हंत ! भवियव्वं इमीए गब्भे मम मणोरहाऽऽपूरणसमत्थेण केणावि सुपुरिसेणं' ति चिंतिऊण भणियं चाणक्केण 'पूरेमि अहं इमीए दोहलयं जइ मे गब्भं पयच्छह' त्ति । तओ 'इमीए जीवमाणीए अण्णे गब्भा भविस्संति'त्ति सामत्थेऊण पडिवन्नं तेहिं । सक्खिसमक्खं च काऊण काराविओ चाणकेण पडमंडवो । पुण्णिमारयणीए य नहयलमज्झभागट्टिए ससहरे कयं उवरि छिदं । ठावियं च सव्वरसऽडखीरदव्वसंजोग पेडिउण्णं हे ओ थाले । भणिया य सा 'पुत्ति ! तुज्झ निमित्तेण मए मंतेहिं आगरिसिऊण आणिओ एस चंदो ता पियसु' त्ति । तओ सा सहरिसं 'चंदं 'ति मन्नमाणी जत्तियं जत्तियं पिवइ तत्तियं तत्तियं उवरि पुरिसो उच्छाडे । अद्धपीए य 'किं गन्भो पडिउन्नो भवेस्सइ न व ?' त्ति परिक्खणत्थं भणिया जहा 'चिट्ठउ इत्तिओ, लोयाणं देज्जिही' । सा नेच्छइ । तेण भणियं 'जइ एवं ता पियसु, लोगनिमित्तमन्नमाणिस्सामि' । त्ति पूरिऊण दोहलयं दव्वोप्पायणणिमित्तं गओ धाउविवरेसु । तत्थं णाणाविहेहिं धाउवायप्पओगेहिं उवज्जियं पभूयं दविणजायं। आगओ य कालंतरेण तस्स गन्भस्स पउत्तिवियाणणत्थं । तओ पेच्छइ गामस्स बाहिं संयललक्खण संपुण्णं दारयं रायनीईए रममाणं । अवि य
I
6
धूलीविलिहियबहुदेस-णगर-गामाण मज्झयारम्मि । फरिह-ऽट्टालय- पायार-भवणउवरइयणगरम्मि ॥३१ धूलीमयसिंहासणअभिरूढं डिंभमंति-सामंतं । नयरारक्ख-बलाहिय-पडिहार- पुरोहिय-भडेहिं (? डोहं ) ॥३२ भंडागारिय-तलवर-सेणावइ - कट्टियाइपरिगरियं । तेसिं वि य विलहंतं गामा - SSगर - देसमाईणि ॥३३ सत्थाह-महायण-सेट्ठि-पगइपभिईहिँ विष्णविजंतं । एमाइ नरवरीसरनीईपरमं तयं दद्धुं ॥३४ परितुट्ठो चाणक्को पुरओ होऊण कुणइ पत्थणयं । तस्स परिक्खणहेउं विणएणं जंपए एवं ॥३५ 'देवऽम्हं पि य देज्जउ किंचि पसायं विहित्त' सो भणइ ।
'तुह गोउँलाई बंभण ! दिण्णाई गेव्ह गंतूणं' ॥ ३६ ॥ [ ग्रन्थाप्रम् - ३००० ]
ओ चाणक्केण भणियं 'देव ! गोउलाई गेण्हमाणो मारेज्जामि' । तेण भणियं 'वीर भोज्जा वसुंधरा' । 1 तओ चाणकेण 'विष्णाण -सूरत्तणाई पि अस्थि, ता जोगो एस मम मणोरहाणं ति चिंतिऊण पुच्छिओ एगो डिंभो जहा 'कस्सेस दारगो ?, किं नामधेओ ?' । तओ डिंभेण भणियं जहा 'एस मयहरधीयापुत्तो परिव्वायगसंतिओ चंदगुत्तो नाम । तओ 'एसो सो 'त्ति हरिसभरणिन्भरंगेण चाणक्केण भणिओ चंदगुत्तो जहा 'अहं सो परिव्वायगो जस्स संतिओ तुमं, ता एहि बच्छ ! जा ते सच्चयं रायाणं करेमि । तओ 'जैमाणवेइ अजोति जंपमाणो लग्गो तप्पिट्टओ चंदगुत्तो । चाणको वि डिंभरूवाणं वृत्तंतं साहिय तं घेत्तूण पलाणो । मेलिऊण चारं बलं कओ चंदउत्तो राया । ठिओ अप्पणा मंतिपए । एवं च महासामगिंग काऊण गया पाडलिउत्तं । रोहिऊण य तं ठिया । तओ नंदराया एयं णाऊण सव्वसामग्गीए निग्गओ । जायमाओहणं । अवि य
वजंततूरनिस्सणं, खिप्पंत सेल्लभीसणं । पढंत भट्टवंदयं, आवेंतअद्धचंदयं ॥ ३७ घुस्संतनाम-गोत्तयं, भग्गंततिक्खकुंतयं । पडतखग्गघाययं, मुच्चंतणेयसाययं ॥ ३८ छिज्जंतरायचिचयं, तुट्टंतत्रम्मबंधयं । पडतआयवत्तयं, मरंतभूरिसत्यं ॥ ३९ ॥ इति । तओ एवंविहे समरभरे वट्टमाणे नंदरायजोहेहिं भग्गं चंदगुत्तसेण्णं, भयपराहीणं च महावायावधूयअकालजलयपडलं व झत्ति विलीणंं दिसोदिसिं । तं च तारिसं दट्ठूण तुरंगमारूढा एगदिसिं गहाय पणट्ठा चंदगुत्त - चाणक्का । तेसिं च पिट्टओ लग्गा आसवारा ।
1
A B इत्तियं ।
1CD परिपुणं । 2AB °रिसा । 4OD रथ य णा 6 AB विरइयब | 70D ° सामंता । 8-9 A B गोयला° । 10 D मधिजो ? । 120D बंधयं । 13 CD यं ॥ ति ।
। 5 C D सव्वलक्ख । 11 A B जहा भाणवेह |