________________
४४
सिरिसोमप्पहसूरि-विरइयं ता लज्जा ता माणो ताव च्चिय तत्त-चिंतणा बुद्धी । जाव न कंदप्प-सरा पसरंति विवेय-जीयहरा ||२३४।। अनियत्तमणं मुणिउं मणिचूडं वड्डमाण-मण-खेओ ।
खेयरवई ठिओ तो काउं मोणं रयणचूडो ||२३५।। कयाइ कणगावलीए भणिओ मणिचूडो - पिययम ! एत्थट्ठियाणं खलयणो अवनवायं कुणइ, ता अन्नत्थ गच्छामो । सो वि तन्नेहमो हिय-मणो पडिवज्जिऊण तव्वयणं, मुत्तूण सिणिद्ध-बंधुवग्गं, अवगणिऊण गुण-रयण-खाणिभूयाओ खयरराय-धूयाओ समागओ एत्थ रल्ने | ठिओ विउव्विऊण पवर-पासायं । किं च
तस्स कणगावलीए मुहकमल-पलोयणं कुणंतस्स ।
सुरलोयाओ अहियं सुन्नं रत्नं पि संपन्नं ॥२३६||
सो य मणिचूडो अहं । अज्ज पुण पभाय-समए मम बाहिगयस्स समागओ एक्को विज्जाहरो | दिहो समागएण मए तीए सह संलवंतो । पहा य सा मए- पिए ! को एसो ? त्ति । तीए भणियं- मह जणणीए पेसिओ पउत्ति-निमित्तमेस मे बंधवो त्ति । सो वि खणमेक्वं ठाऊण कणगावलीए सह किं पि जंपिऊण गओ । खणंतरे य भणिओ हं तीएपिययम ! आसनुज्जाणम्मि कीलासुक्खमणुभविउं गच्छामो त्ति | तओ गयाइं दो वि तत्थ, पयहाई कीलिउं । पुणो वि भणिओ कणगावलीएपिययम ! संपयं माह-समओ, ता एयम्मि सरोवरे जलकीलं करेमो त्ति । तओ तव्वयणमणल्लंघंतो गंतूण तत्थ मोत्तूण वारि-तीर तरवार पयट्टो कीलिउमहं सह तीए । तओ तक्खणा "समुक्खाइय-खग्गो 'अरे खेयराहम ! कणगकेउणो मह महाविज्जा-साहणज्जयस्स भज्जमवहरिय कहिं वच्चसि ?' त्ति भणंतो समागओ एक्को खयरो | अहं पि दहण तं पहाविओ खग्गाभिमुहं जाव न गिण्हामि खग्गं ता पहणिऊण खग्गपहारेहिं निवाडिओ महीवडे । तओ पहसियमहीए भणियं कणगावलीएपिययम ! सोहणं कयं जमेवमेस पहओ, दुरायारो खु एसो । बला
अणिच्छमाणी गहियम्हि । ता पुणो वि आहओ खग्गेण, मओ त्ति मुत्तूण मं घेत्तूण कणगावलिं गओ सो । अओ परं तुमं पि जाणसि त्ति । "तो एयं मे एयाए अवत्थाए कारणं । एवं तक्केमि- तीए कणगावलीए पहायसमए समागय-खयरेण समं मह विणासणत्थं संकेओ कओ । अहं च
Jain Education International
For Private & Personal Use Only
www.jainelibrary.org
