________________
૧૨
सिरिसोमप्पहसूरि-विरइयं सो कहइ-'नरवरेणं नयरे नीओ म्हि' ते पयंपंति-| 'केरिसयं तं नयरं ?' सो बुल्लइ-'पल्लितुल्लं ति' ||३६८४|| ते बिति-'कत्थ वसिओ ?' सो जंपइ-'मणिमयम्मि पासाए ।' ते बिंति-'केरिसो सो ?'सो जंपइ-'उडव-सारिच्छो' ||३६८५।। ते बिति-'किं परिहियं तुमए ?'सो भणइ-'पट्टवत्थाई' । ते बिंति-'केरिसाइं ?' सो जंपइ ।-'वक्वल-समाई' ||३६८६।। ते बिति-'किं चि भुत्तं ?'सो जंपइ-'मोयगा' भणंति इमे'ते केरिसा ?'पुलिंदो जंपइ-'परिपक्व-बिल्ल-समा' ||३६८७।। इय अडवि-पसिद्धेहिं दिहतेहिं अदिह-नयराणं । अह सो सयणाण पुरो नयर-सरूवं परुवेइ ॥३६८८।। तह अमुणिय-सिद्ध-सुहाण सिद्धि-सुक्खं पि अणुवमत्तेण । वुत्तुमसक्वं पि कहेमि किंपि जयपयड-नाएण ||३६८५।। सयलाऽऽहि-वाहि-रहिओ महुराहारेहिं पीणिय-ससरीरो । तरुणो कलासु कुसलो वियड-मित्तेहिं परियरिओ ||३६१०।। सुणमाणो संपीणिय-कन्नं किन्नर-कयं सरस-गेयं । पेच्छंतो बहुविह-हावभाव-रम्मं रमणि-नटें ||३६११|| कुसुम-मयणाहि-घणसार-चंदणामोय-मोइयप्पाणो । कप्पूर-पारिपरिगय-पगिह-तंबोल-सुरहि-सुहो ||३६१२|| पटुंसुय-पच्छाईय-महल्ल-पल्लंक-हंसतूलि-गओ । पेसलए सन्निहिय-कार्मिणी-विहिय-चडुकम्मे ||३६१३|| इय अणुकूले विसए सेवंतो जं सुहं जणो लहइ । तं एक्व-सिद्ध-सुक्खस्स होइ नाणंतभागो वि ||३६१४।। भणियं चजं च कामसुहं लोए जं च दिव्वं महासुहं । वीयराय-सुहस्सेहाणंतभागे न अग्घई ||३६१५।। एवं निम्मिय-निक्कलंक-भुवणालोयम्मि अत्थंगए, सव्वनुम्मि दिणेसरे व्व चमरो चारित्त-चूडामणी । तत्तेयं लहिऊण मोक्ख-पयवी पज्जोयणो पच्चलो, लोए मोह-महंधयार-नियरं दीवो व्व विद्धंसए |॥३६१६।।
Jain Education International
For Private & Personal Use Only
www.jainelibrary.org
