________________
४५४
सिरिसोमप्पहसूरि-विरइयं करेहि सफलं मणुय-जम्म-संखायणेण 'किं पुण एयरस फलं ?' ऊहापो हप्पहाणेण जाणियं सव्वहा अत्थाइवागेण धम्मो, तं च अकुणमाणस्स माणुसत्तणं विहलं ! धम्मो य सव्वुत्तमो पुरिसत्थो । अहह ! उज्झिाओ मए विसय-परवसेणं ति गहिओ महंतेण पच्छायावेण, विसोहिया कम्माणुबंधा, समुप्पन्नं अपुवकरणं, उल्लसिया खवगसेढी, जायं केवलनाणं, कया केवलि-महिमा अहासन्निहिय-देवेहिं । तुहा से जणणी । इमं सोऊण समागया मयणमंजरी, पडिबोहिया य पुव्व-भवकहणेण | जाया समणोवासिगा | माण-विवागं सोऊण संविग्गो लोओ।
इओ य ते वाणारसि-माहणा परित्तसंसारयाए संजाय-संवेगपरिणामा धम्माऽरन्ने आसमपए जाया तावसा, चिहंति महातव-विहाणेण संसयमावला य महापयत्थे सु । आभोई यमिणं के वल-नाणेण संखायणेण | तप्पडिबो हणत्थं पुठव-सिंगारेण पयट्टो एस पत्तो धम्मारनं । दिहो भगवं तावसेहिं - 'महाणुभावो'त्ति वंदिओ सहरिसेहिं । सुरकय-कणय-कमल-निसल्लो पुच्छिओ सविणयं- भयवं ! जीवाण का माया ? को वा पिया ? तहा को मरिउ वियाणइ ? | अन्नं च किं जीवियं सेयं किं वा मरणं ति ? | भयवया वुत्तं- देवाणुप्पिया ! जीवाणं परमत्थओ माया निद्दा, पिया हंकारो | तेहिं जाया माया-कोह-कामाइणो धावि बालहार-तुल्ला ।
तहा, जो जीवियं वियाणइ सो मरिउं पि । जओ जो जीवमाणो धम्मं करेइ तस्स सुहो मरण-समओ त्ति || जीविय-मरणाण उ मरणं सेयं । जीवंताण नियमा संसारो, मयाण पुण मोक्खो ||
एयं सोऊण पडिबुद्धा तावसा, दिक्खिया केवलिणा, कम्मक्खयं काऊण गया सव्वे वि मोक्खं ति ।
अह मयणमंजरी वि हु कमेण पुत्तम्मि जोव्वणं पत्ते । मुणिउं माण-विवागं थेवं पि हु गुरु अणत्थ-फलं ॥३१४६।। सव्वविरइं पवना तिव्व-तवच्चरण-खविय-कम्म-मला । केवलनाणं उप्पाडिउण परमं पयं पत्ता ||३१४७।। कोवरहिओ वि माणुज्डीओ वि मायाए जइ न वट्टेज्जा । होज्ज सिवमग्ग-संदण-समग्ग-धम्मस्स तो जोग्गो ||३१४८||
Jain Education International
For Private & Personal Use Only
www.jainelibrary.org
