________________
४४१
सुमइनाह-चरियं
मोक्खतरु-बीयभूओ माणथडस्स नत्थि धम्मो वि । धम्मस्स जओ समए विणओ च्चिय वल्लिओ मूलं ।।३१३३।। जाइ-कुल-रूव-बल-सुय-तव-लाभिस्सरिय-अहमय-मत्तो । तव्विवरीयं कम्मं बंधइ लीलावइ व्व जीओ ||३१३४|| तहाहि
[५. मान-विपाके लीलावती-कथा]
अत्थि इह जंबुदीवे कासी-नामेण जणवओ जत्थ । उल्लंघयंति निय-वइमुच्छलियाओ न निवलयाओ ||३१३५।। विरसपुरी तत्थ पुरी जत्थुज्जाणेसु कुसुमिय-तरुणं । परिमल-हरण-प्पवणो पवणोच्चिय वुच्चए चोरो ||३१३६।। तत्थ नरसुंदरो नरवई [अत्थि] जस्स भोग-दुल्ललिओ । उव्वहइ भूमिभारं मुयंगराय व्व भुयदंडो ।।३१३७।। वेरि-पयावानल-पसम-पच्चले जस्स असिलया-सलिले । जस-रायहंस-सहिया विलसइ हंसि व्व जयलच्छी ॥३१३८।। मयणस्स व भुवणमणोरमस्स पाणप्पिया पिया तस्स । अणुरूव-रूवलीला रइ व्व लीलावई देवी ॥३१३१।। तीए सह विसय-सुहं उव जंतस्स तस्स संपत्तो । सत्तच्छय-परिमल-मिलिय-भसल-विसओ सरय-समओ ||३१४०।। हंसउलाई विलसंति जत्थ गयणे तमाल-दल-नीले । कुमुयाइं सरवरम्मि व फेण-पडलाइं जलहिम्मि ॥३१४१।। जत्थ ससी सविसेसं जोण्हं लढूण जणइ जय-हरिसं । विमला रिद्धिं पत्ता कस्स व न कुणंति उवयारं ||३१४२।। जं लड़े रयरहिउं गुरु व हिययाइं पंक-कलुसाइं ।
सहसा जायाइ जलासयाण सलिलाई विमलाइं ||३१४३|| तम्मि सरए गओ राया रायवाडियाए । दिहं अणेण परिसुस्समाणं चिंचियंतेण मंडुक्ल-वंद्रेण संगयं पल्ललं । जाया से करुणा 'अहो ! एए पइदिणं मच्चुणो आसन्नीभवंति । न केवलं एए अम्हे वि एवमेव त्ति नियाविया ते पयत्तेण विउल-जलासयं । सुत्तविउद्धस्स जाया से चिंताJain Education International
For Private & Personal Use Only
www.jainelibrary.org
