________________
सुमइनाह-चरियं
अह सो गुणंधर - जिओ सव्वद्वाओ तुमं समुप्पन्नो । उव्वहिऊण तत्तो नरगाओ जोणगस्स जिओ || ३१०६ ।।
भमिऊणं संसारं पुव्व-भवे किंचि कय-सुकय-लेसो । जाओ कुमर ! तुह इमो लहुओ सावक्कओ भाया ||३१०७ || पुव्व-भवेसु बहूसु कओ पओसो तुमम्मि जं इमिणा । तेणेव भासेणं इमस्स सो इह भवे जाओ ||३१०८|| जं पुण तऽणुकंपा विहिया एयम्मि पुव्व - जम्मेसु । तेणेव हेउणा तुह स च्चिय इहिं पि विप्फुरिया || ३१०९ || जओ
एक्कं पि भवे जीवे गुणं च दोसं च जो जमायरइ । जम्मंतरम्मि नूणं रमइ मणो तरस तत्थेव ||३११०|| पढमं थोवं थोवं गुणो व दोसो व होज्ज जो जस्स । पइजम्मब्भासेणं पगरिस पत्तो स तस्स भवो ||३१११|| एएण कारणेणं दूरं मोत्तूण दोसलेसं पि । कायव्वी बुद्धिमया गुणेसु पइसमयमब्भासी ||३११२ || एवं सोउं संजाय - जाइसरणी भणइ गुणसेणो । भयवं जं तुब्भेहिं कहियं तं अवितहं सव्वं ॥ ३११३|| पुव्वं पि विसय- वासंग - सुह - परम्मुह-मणो अहं आसि । पुव्वब्भवरसवणाओ इण्हिं तु विसेसओ भयवं ||३११४ || तत्तो जणणी - जणए सविणयमापुच्छिऊण गुणसेणो । सव्वविरहं पवन्नो जीवाणंदायरिय-पासे ||३११५|| पडिवन्न - दुविह-सिक्खो परीसहे दुस्सहे वि सहमाणो । तिव्व-तवच्चरण-रओ अहिगय-नीसेस - सुत्तत्थ ||३११६ || उभय-भव - दुक्ख - हेउं कोव विवागं मणे वि भावतो । उवसग्गकारए वि हु परम्मि करुणं चिय कुतो ||३११७|| सिवपासायारोहण- निस्सेणिं खवगसेणिमारुढो ।
खविय - चउघाइकम्मो उप्पाडइ केवलं नाणं ||३११८ ||
Jain Education International
For Private & Personal Use Only
४४७०
www.jainelibrary.org
