________________
४४६
सिरिसोमप्पहसूरि - विरइयं
सो मरण- समयमालोइऊण कय तयणुरूव कायव्वो । अवलंबिय- गुरुसत्तो चिंतिउमेवं समादत्तो ||३०९२ || मा कुणसु जीव ! खेयं दीणत्तं दूरओ परिच्चयसु । तस्स च्चिय फलमेयं तए कयं जं पुरा पावं ||३०१३ || एत्ती अनंतगुणियं नरएस निरंतरं महादुक्खं । छेयण-भेयण- पमुहं सहियं तुमए अकामेण || ३०१४ || तिरियत्तणेऽणुभूयं अणंतसो जं तए दुहं दुसहं । तेण न कोवि गुणो तुह संजाओ परवसत्तणओ ||३०१५ || इहिं जिण - वयणामय-संपन्न - विवेय- वियलिय कसाओ । सम्ममहियासमाणो अणंत-गुण-निज्जरं लहसि ||३०९६ || कम्मं कुणइ सयं चिय तरस फलं भुंजए सयं जीवो । तो किं परे पओसो विवेगिणो जुज्झए काउं ||३०१७ || रे जीव ! तए पुव्विं समज्जियं किंपि जं असुह-कम्मं । तं निवइ इमो तुह अगणंतो अप्पणी बंधं ॥ ३०१८ || एस परमोवयारी ता जोग्गो गरुय तुडिदाणरस । एयम्मि जइ पउस्ससि ता लहसि कयग्घ - धुरि-लीहं ॥ ३०९९|| इय तत्त-भावणाए गुरु वेयण विहुरिओ वि सुहझाणो । मंदरगिरि-थिर चित्तो सरीरमेत्ते वि अममत्तो ||३१००|| हा कम्मबंध - हेऊ इमस्स जाओ अहं वरायस्स । उवसग्गकारए विहु इय अणुकंपं परिवहंतो ||३१०१ || मुत्तूण पूइ - देहं समाहिणा सो गुणंधरो समणो । तेत्तीस - - सागराऊ सव्वहविमाणमणुपत्ती ||३१०२ ||
अह जोणगी तहाविह अकज्ज करणा सयं पि संखुद्धो । तुरियं पलायमाणो विसम - नई दुत्तडीहिं तो ||३१०३ || तह निवडिओ दुरप्पा नईइ मज्झे जहा हियय-देसे । चिक्खल्ल-२ - खुत्त-तिक्खग्ग- खयर - बेर खाणुणा भिन्नो || ३१०४|| अह तिव्व-वेयणं सो वि सहंतो जीविऊण तिन्नि दिणे । मरिऊण नारओ छह-नरय- पुढवीए संजाओ || ३१०५ ||
Jain Education International
-
-
For Private & Personal Use Only
www.jainelibrary.org
