________________
सुमइनाह-चरियं
पत्त-कित्ति - पब्भार- भरिय - भुवणब्भंतरो निरंतर दया- दक्खिन्नाइगुण-रयण-रयणायरो रयणायरो" सेट्ठी । तस्स चउण्हं पुत्ताणं उवरि मणोरह-सएहि समुप्पन्ना संपन्न - ससि-निम्मलेणं निय-गुण- कलावेणं सयल - रमणि चक्क - चूडामणी मणिप्पभा कण्णगा, जीए निरुवम - रूवं पेच्छंता अणिमिसेहिं नयणेहि अणिमिसनयणि (णा) त्ति पसिद्धिमुवगया सुरवरा नूणं । सा य संपयं कुसुमाउह - महाराय लीलावणे जोव्वणे वट्टमाणी निय- घरासन्नुज्जाण- मज्झ गया नाणाकीलाहिं कीलमाणी डक्का उक्कड - विस-विसहरेण । तव्वियार-वस-नद्व चेयणा परसुनिक्कत्त - चंपयलय व्व धस त्ति निवडिया धरणीए । कओ परियणेण हाहारवी । तं सोऊण ससंभमो समागओ सेट्ठी । मिलिओ समग्गसयण - वग्गो । दिट्ठा तयवत्था कन्नगा । समाहूया पहाण - गारुडिया । विहिपुव्वं पढियाइं तेहिं गारुडाइ, पउत्ताओ विविहोसहीओ, बद्धाओ मणीओ, कओ जल-जंतप्पओगो । परं सव्वं पि नीराग पुरिस-पउत्तं सकाम-कामिणी - कडक्खियं व, नीरस जण - पुरओ पढियं सुभासियं व ऊसर - खित्ते निक्खित्तं बीयं व, निप्फलं संपन्नं । पुणो वि सिद्विणा पडहग- दाण-पुव्वं उग्घोसावियं नयरीए जहा जो सेडि-धूयं जीवावेइ तरस सेही जं मग्गियं पयच्छेइ । अवि य,
-
-
-
जो वरडिं पि ज याणइ आहुओ सो वि सिद्विणा तत्थ । नेहाउराण अहवा केत्तियमेत्तं मणुस्साणं ? || ३००४ ||
Jain Education International
तेहिं पि जं कायव्वं तं कयं सव्वं । तहावि न जाओ को वि विसेसो । तओ पच्चवखाया सव्वेहिं । वियलियासा बंधुणो । हा मच्चो मुद्धो त्ति भणतो घरिणीए रयणवईए समं मुच्छा-निमीलयिच्छो निवडिओ महीए रयणसारो । परियण कओवयार-लद्ध - चेयणो सोग-संगलंतंसुजल-पज्जाउल - कवोलो 'हा वच्छे ! चंद-चारु-वयणे ! हा विसहकंदो दल - दीह - नयणे ! नयणेहिं इमेहिं कत्थ पुणरुत्तं पलोइयव्वा सि त्ति पलवमाणो खणं मुच्छिओ खणं सत्थो तं धूया सरीरगं अग्गिणा सक्कारिउमणिच्छं तो भणिओ सयण- वुड्डेहिं - 'महाभाग ! परिच्चयसु ३३ विओय- सोयं । अवलंबेहि धीरियं ।
तुम्हारिसावि पुरिसा जइ विहुरिज्जंति दढ - सोएणं । ता कत्थ थिरं होही धीरतमणिंदियं भुवणे ||३००५ ||
For Private & Personal Use Only
४३५
www.jainelibrary.org
