________________
૪૨૮
सिरिसोमप्पहसूरि-विरइयं पल्लव-सयणेज्ज-गया मुणाल-वलया मुणालमय-हारा । कय-कयलिदलावाया चंदण-रस-सित्त-सव्वंगी ।।२९५८।। दीहं नीससमाणा अलद्ध-लक्खं खणं निरिक्खंती । परिचत्त-कलब्भासा परिहरिआहरण-तंबोला ||२१५१।। परियणमणालवंती अहाण-विइन्न-सुन्न-हुंकारा । विरह-विहुरा सदीणा दिण-धूसर-ससि-विवन्न-मुही ।।२१६०।। निद्दा-सुहं निसासु वि अपावमाणा दिणाइं गमयंती । कहवि गुणधर-गुण-संकहासु कय-पहरिसुङरिसा ||२१६१।।
भणिया कविजलाए- सामिणि ! तस्स सुभग्ग-चूडामणिणो मित्तो पेसणेणागओ । एयमायनिऊण वलिय-कंधरं साणंदं पलोईऊण भणियं रायकन्नाए- भद्द ! सागयं ते, कुसलं ते मित्तस्स ? तहा को एस तुह मित्तस्स ववहारो ? जं एक्कसो दंसणं दाऊण पुणरुत्तं अणुरत्त-जणस्स वत्ता वि न पुच्छीयइ ? । इसिं हसिऊण कविंजलाए भणियं
जं सामिणि ! तुम्हाणं मणमवहरियं ति तेण सो सुहओ । अवराहिणमप्पाणं मुणिऊण अदंसणीहुओ ||२१६२।। रायसुयाए वुत्तं-अवराहपयं कहं न सो होज्जा ? | जेणाहं अइ-दुसहे विरह-हुयासम्मि पक्खित्ता ||२१६३|| तो जइ तं पेक्खिस्संतो भुयपासेण बंधिउं निबिडं ।
काहं तहा जहा सो मणभवणाओ न नीहरइ ॥२१६४|| जोणगेण वुत्तं- देसंतरागओ मह मित्तो तेण अपरिचिय-रायकुलेसु पवेसं नो सक्कइ त्ति अवनमुणा(?) दंसणं कयं | कविंजलाए भणियंतुम्ह गवसणत्थं सव्वत्थ नयरे पेसिओ परियणो मए, परं पउत्ति-मित्तं पि नोवलद्धं । ता कहेसु कया समित्ते ण ' मम सामिणीए दंसणं कारविस्सामि ? | जोणगेण वुत्तं-कल्लं कुसुमागरुज्जाणे मित्तमहं नइरसं । तुमए मयणपूया-ववएसेण सामिणी नेयम्वा, जेण दंसणं दोण्हं पि होइ ।
___ एत्थंतरे कंचुइणा आगंतूण विन्नत्तं-कुमरि । देवी तुह अस्सत्थं सरीरं सोऊण अधिईए वत्तं पुच्छिउमणा आगच्छइ एसा । तओ विसजिओ जोणगो निग्गओ तओ ठाणाओ । चिंतियमणेण-अहो ! विसमं विहिणो
For Private & Personal Use Only
Jain Education International
www.jainelibrary.org
