________________
४०६
सिरिसोमप्पहसूरि-विरइयं खज्जमाणी गलंत-पूय-मिलिय-मच्छिया-मंडला "सव्वत्थ-निच्छुब्भमाणा किच्छेण मया, समुप्पन्ना सप्पिणी । दवग्गि-दड्डा मया गया नरए । तओ वग्घी वाहेण हया गया पुणो नरए ।
इच्चाइ असंख-भवे सहमाणा तिक्ख-दुक्ख-लक्खाई । तिरिएसु नारएसु य परिभमिया रोहिणी एसा ||२७६५।। दोहग्ग-रोग-दालिद्द-सोग-पियविप्पओग-पमुहेहिं । दुक्खेहिं दुयं बहुसो इत्थी-जम्मम्मि संपत्ता ||२७६६।। कइयावि कुदेव-भवे परपेसत्तणकरे समुप्पन्ना । इय चउगइ-संसारं भमिऊण असंखकालमिमा ||२७६७।। उप्पन्ना धन्नउरे गामे गोवद्धणस्स गिहवइणो । धूयत्ताए एत्तो धनिय त्ति नामं कयं तीए ॥२७६८।। अह धनिया पवना तारुन्नं तरुण-लोय-मणहरणं । दिहा मयहर-पुत्तेण मग्गिया तह य परिणीया ||२७६१।। तीए य अंग-संगम्मि तस्स जाओ स को वि संतावो ।
जेणप्पा पजलिय-जलणकुंड-खित्तो व्व पडिहाइ ॥२७७०।। तओ विरत्तेण निव्वासिया सगेहाओ धनिया "रुयंती पत्ता पिईहरं । समासासिया पिउणा दिना निय-पिंडारस्स । भणिओ य सो-भद्द ! घरजामाउओ तुमं, मा मम धूयाए पणय-खंडणं करेसु त्ति । सो वि तीए सरीर-फरिस-मित्तेण जणिय-महंत-संतावो गामं पि मोत्तूण पणहो । विसन्ना धनिया । भणिया पिउणा- वच्छे ! तुह वच्छल्ल-तल्लिच्छेण मए अकज्जं पि कयं । तं पि तुह पुव्व-कम्मवसओ विहलं जायं,अओ खेयमकुणंती दाणाइ-धम्म-रया मह घरे चिह । तहेव चिहमाणीए वच्चए कालो । कयाइ गिहमागया साहुणो पुच्छिया इमीए-जाणह तुब्भे मंतं तंतं वा जेण परो वसीहवइ ? | तेहिं वुत्तं-जाणंति अम्ह गुरुणो जेण तेलोक्वं पि वसो होइ । धनियाए वुत्तं- कत्थ ते गुरुणो ? | मुणीहिं वुत्तंलीलागरुज्जाणे सीलागरा नाम समोसढा चिट्ठति । भुत्तुत्तरं गया पिउणा सह धनिया । वंदिऊण गुरुं निसन्ना पुरओ । भणियं अणाए- भयवं ! कहेह वसीयरण-विसयं मंतं तंतं वा । गुरुणा वुत्तं
Jain Education International
For Private & Personal Use Only
www.jainelibrary.org
