________________
नवमो पत्थावो
विप्फरइ परिग्गह-विरमणम्मि मण्यस्स माणसं जस्स । संतोस-रस-निमित्तं सिद्धंतो तेण सोयन्वो ||२६०४।। जेसिं न मोह-तिमिरं जिण-वयण-रसंजणेण अवहरियं । मोक्ख-पहं सम्ममसम्मदिहिणो ते न पेच्छंति ||२६०५|| बुटुंति भव-समुद्दे जम्म-जरा-मरण-जलभर-रउद्दे । जीवा गुण-परिणदं जिण-पवयण-पोयमलहंता ||२६०६|| अजरामरत्त-जणगं जिण-वयण-रसायणं न जा पीयं । ताऽकम्म-वाहि-विगमेण निव्वुई जायए कत्तो ? ||२६०७|| मिच्छत्त-तमच्छन्ने भुवणे जिण-मइ-पईव-परिहीणा । जीवा अदिह-मग्गा दुग्गइ-गड्डाइ निवडति ||२६०८|| लढुं जिणिंद-वयणं चिंता-रयणं व चिंतियत्थकरं । न लहंति जंतु-निवहा कयावि दोगच्च-दुक्खाइं ||२६०१।। न देवं नादेवं न गुरुमकलंक न कुगुरूं, न धर्म नाधर्मं न गुण-परिणद्धं न विगुणं । न कृत्यं नाकृत्यं न हितमहितं नापि निपुणं । विलोकंते लोका जिनवचन-चक्षुर्विरहिताः ।।२६१०।। सिद्धंत-मंतमायनिऊण सवन्नु-देसियं जीवो । नरसुंदरो व्व जायइ विगय-महा-मोह-विस-पसरो ॥२६११|| तहाहि
[1. आगम-विराधनाराधनायां नरसुंदरराज-कथा]
अत्थि इह जंबुदीवे भारहखेत्तम्मि धरणि-रमणीए । कंचण-कंची-तुल्ला कंचण-नामेण अत्थि पुरी ||२६१२।। तत्थ नरसुंदरो मंदरो व्व राया महीहर-पहाणो । परबल-जलहिं महिऊण जेण आयडिया लच्छी ॥२६१३।। सो नाहियवाई बंध-मोक्ख-गुरु-देव-पुन्न-पावाई। जीवं च न मन्नइ परभवाणुगं भूय-वइरित्तं ।।२६१४।।
Jain Education International
For Private & Personal Use Only
. www.jainelibrary.org
