________________
३७३
सुमइनाह-चरियं समीवमागया कन्नगाए पियसही पियमई । निसन्ना पुरओ भणिउं पवत्तासेद्विपुत्त ! अस्थि एत्थ एक्ववीस-सुवन्न-कोडि-सामी सामदेवो सेट्ठी । गुणसिरी से भज्जा | ताणं च अपुत्ताणं एक्वा चेव गुणमई कल्ला । दुहविज्जाहरेण हीरमाणी रक्खिया तुमए । सा य गया निय-गेहं अणवरयं दीण-मुक्क-नीसासा । कत्थ वि रइमलभंती परिचत्तासेस-वावारा रहसि मए संलत्ता- पियसहि ! संताव-कारणं किं ते ? | तीए वि कहियमेयंसहि ! मह हिययम्मि गुरु-दुक्खं ।
निय-जीविय-निरवेक्खं जं जीविय-दायगस्स गुणनिहिणो । तस्स अकयन्नुयाए पच्चुवयारो मए न कओ ||२५३२।। निय-कंठ-कंदलाओ वत्थाभरणाइं तस्स पढविउं । कीरउ पच्चुवयारो संपयमवि भइणि ! किं नहं ? ||२५३३।। तीए वुत्तं-जं मज्झ तेण सुहएण जीवियं दिन्नं । तं चेव तस्स दिज्जइ जइ तत्तो पडिकयं होइ ॥२५३४|| हसिऊण मए भणियं- पियसहि . ! तं चेव देसु किमजुत्तं ? |
तो इयरीए भणियं-दिन्नं चिय सहि ! मए एयं ||२५३५।। इमस्स अत्थस्स संवायणत्थं निय-कंठ-कंदलाओ उत्तारिऊण इमं पसरंत-कंति-कडप्प-कय-तिमिरावहारं समप्पिऊण पेसिया तुम्ह पासं ।
ता सुहय ! गुणाहारं लोउत्तर-चित्त-मणहरं हारं । हिययं व मह सहीए निय-हियय-विभूसणं कुणसु ||२५३६।। घेत्तूण देवदत्तो वि तोस-वियसंत-माणसो हारं । भुय-जुयलं व पियाए आरोवइ अप्पणो कंठे ||२५३७।। जणइ चंद-चंदण-कयलीदल-कुसुमसत्थरेहिं न । जो संतावो उवसंतो इमिणा हारेण सो नहो ।।२५३८।। अप्पेइ पियमईए कंठाभरणं सुवन्न-रयणमयं । भणइ इय निय-सहीए समप्पियव्वं इमं तुमए ।।२५३१।। कहियव्वं तह एयं जह- एस जणो दुहं गमइ दियहे ।
तुममलहंतो हंसो व्व नलिणिमुप्फुल्ल-कमल-मुहिं ||२५४०।। तओ पहिह-हियया गया पियमई । कहिऊण सव्वं गुणमईए समप्पियं कंठाभरणं । परितुहाए ठावियं कंठे इमीए । एवं अनुन्न
Jain Education International
Por Private & Personal Use Only
www.jainelibrary.org
