________________
१४
सिरिसोमप्पहसूरि-विरइयं भणियं रब्ला- ‘भद्दे! कुओ भयं ?' तीए भणियं- ‘सयल-सुराऽसुरिंदसिर-समुव्वूढ-सासणाओ कुसुम-सरासणाओ । जत्तो आरब्भ तुम नयण-गोयरं गओ तयणंतरं चेव पंचबाणो वि सहस्सबाणो विव मयणो मं पीडेइ, ता तुमं चेव मे सरणं ।' ति भणिऊण साणुरायाए दिहीए पलोइउं पवत्ता ।
रना चिंतियं - 'अहो ! केरिसं सं क ड मावडियं ? ज ओ निम्माणसाडवीए एसा का वि जुवई दिव्वजोणि-संभवा संभावीयइ, पत्थणा-भंग-जणिय-कोवा य किं पि विप्पियमुप्पाइउं खमा, पत्थणाए य कीरमाणीए' सप्पुरिस-सम्मग्ग-चागो । जओ -
जे परदार-परम्मुहा, ते वुच्चहि नरसीह । जे परिरंभहि पर-रमणि, ताहं फुसिज्जइ लीह ।।८।। निव्वडिय-सुहड-भावाण ताण को वहउ एत्थ समसीसिं ? |
पर-रमणि-संकडे निवडिया वि न मुयंति जे मेरं ? ||30|| 'ता सव्वहाऽणु चियमेयं महापुरिसाण पर-रमणि-सेवणं' ति चिंतिऊण भणियं- 'भद्दे ! "परित्थिया तुम, ता कहं तए सह विसयासेवणमहिलसामि ?। तीए वुत्तं- 'वियक्खण ! पुरिसस्स परा चेव इत्थिया होइ' । रख्ला भणियं- 'तहावि तुमं न मे परिग्गहे वट्टसि ।' तीए वुत्तं
एस निजो एस परो त्ति तुच्छचित्ता नरा विचिंतंति । विउलासयाण सयलो जियलोओ चेव स-कुटुंबं ||११|| ता कहं न परिग्गहे हं ? ।' रन्ना भणियं- तहा वि तए सह विसयासेवणं उभयलोग-दुहावहं ।
तीए भणियं- मयण-सर-सल्लियंगीए गाढाणुराय-रसिय-हिययाए य मए सह विसयासेवणं स-परोवयार-संभवाउ कहं उभयलोग-दुहावहं ? |
तओ 'किं तए सह वयण-कलहेण ? सव्वहा पररमणि-संगम न समायरामि' त्ति भणंतो निग्गओ तमालतरु-निगुंजाउ राया । कीलंतो कलहंस-चक्ववाय-चक्क चंकमण-रमणिज्ज-परिसरेसु सरेसु, वीसमंतो चारु-चूय-चं पयाऽसोय-सरल-कयलि-सोहा-सहावणेसू वणेसु मज्जमाणो रनलच्छि-वच्छयल-हारसरियासु सरियासु, पलोयंतो सुरयकेलि-कीलंत-किन्नरमिहुण-सुंदराउ गिरिकंदराउ जाव रनभूमी-सच्छंद
Jain Education International
For Private & Personal Use Only
www.jainelibrary.org
