________________
सिरिसोमप्पहसूरि - विरइयं
पवत्तिणीए - वच्छे ! का तुमं ? कत्तो वा इहागयासि ? । तीए वि कहियं जहावत्तं सव्वं पि । पवत्तिणीए वुत्तं -
३२२
धन्नासि तुमं वच्छे ! जा एवं सीलपालण-निमित्तं । मिल्लसि जलण-पलीविय-पलाल पूलं व रज्जं पि ॥ २२३७।।
-
जं सयलोवद्दव - सेल-दलण दंभोलि-दंड- दुप्पेच्छं । जं पुव्व-भवज्जिय- पाव - दप्प - विज्झवण - घण-तुल्लं ||२२३८ ||
-
जं सग्ग - सोक्ख - तरु- मूलमुत्तिमं मंदिर - दुवारं । सम्म तम्मि निच्चं जत्तो जुत्तो च्चिय बुहाणं ||२२३१||
तीए य संविग्ग - मणाए पडिवन्नं समणत्तणं । तओ अपत्थासिणो वाहि व्व वड्डिउं पवत्तो गब्भो । पुच्छिया " पवत्तिणीए - भद्दे ! किमेयं ? ति । तीए वुत्तं - पुव्वं चेव निय-पइ-संगमेण मे एस गब्भी जाओ । परं वय - विग्धो मा होउ त्ति न मए अक्खाओ । सावय- घरे पच्छन्ना ठिया, पसूया एसा दारगं । कमेण वडुंतो जाओ सो अट्ठ-वारिसिओ । गाहिओ साहु-किरियं । पसत्थ-वासरे य पव्वाविओ सूरिणा । गहिय - दुविहसिक्खो पत्तो जोव्वणं, कम्मवसओ पडिवन्नो वियारेहिं । यतः
यौवने वर्त्तमानस्य विकलस्यापि देहिनः ।
विकारः स्फुरति प्रायो नाविकाराय यौवनं ॥ २२४ ॥
तओ न तरामि पव्वज्जं काउं, सेवेमि विसए, पच्छा पुणो वि पव्वज्जं काहं ति चिंतिऊण खुडएण निवेइयमिणं जणणीए । तीए वुत्तंवच्छ ! मा एवं पलवसु । आयरिओ जाणिस्सइ अकुलीणो त्ति गणिस्स । पवत्तिणी सुणिस्सइ, अविणीओ त्ति भणिस्सइ । सयणा मुणिस्संति, लज्जिया भविस्संति । सेस लोगो संभलिस्सइ, पवयण - निंद करिस्सइ । किञ्च
दिण पंच करिव विसओवभोगु, संपाइवि अणप्पह पाव-जोगु ।
नीसंख-कालु दुह - लक्खरुवि,
Jain Education International
वसियव्वु वच्छ ! नरयंध - कूवि ॥ २२४१ ।।
पइ - जम्म-मरण - - कल्लोल- मत्तु, भव- जलहि भमिवि मणुयत्तु पत्तु ।
For Private & Personal Use Only
www.jainelibrary.org
