________________
सुमइनाह-चरियं
૨૮૬ चोर-वुत्तंतो दत्तस्स । पत्ते पाउसे कराविओ करिसणं, बुद्धि-विरहाओ बीयं पि न संपन्नं । सगडं समप्पिऊण पेसिओ कप्पासाणयणत्थं । नियत्तस्स दवग्गिणा दडं सगडं । भिक्खं भमंतो पत्तो दत्त-सगासे । अप्पिऊण धणं पेसिओ समुद्दे पवहणेण । फुर्ट पवहणं । लद्धफलहखंडो सत्त-रत्तेण तरिऊण समुदं भमंतो पत्तो वग्घउरं नयरं | ठिओ रयणीए देवउले । तत्थ रन्नो वग्घदमणस्स विंझउर-सामिणा समरसेणेण समं विग्गहो । अओ हेरिओ ति संकमाणेहिं तलारेहिं गहिऊण गुत्तीए बूढो । अद्धमासाओ मासाओ वा गासमेत्तं लहंतो ठिओ वरिसमेगं । अच्चंत-छुहा-पीडिओ जाओ निरुस्सासो मओ त्ति चत्तो मसाणे । सिसिर-पवणो वलद्ध-चेयणेण य दिड तत्थ करंबय-सरावं । भक्खियमणेण | उहिऊण तओ पलाणो चिंतिउं पवत्तो
हा हा ! पुव्व-भवेसुं दुक्कम्मं केरिसं मए विहियं ? | पावेमि पाववसओ जं वसणुतिरिवडिं एवं ॥१९७०।। गब्भगयस्स वि पढमं जणओ निहणं गओ सह धणेणं । तत्तो सिसुत्तणे मह पंचत्तमुवागया जणणी ॥११७१।। पिउमित्तेण करुणावसेण जे जे धणज्जणोवाए । कारविओ हं सव्वेसु तेसु पत्तोम्हि वसणाई ।।१९७२|| तुल्ले वि माणुसत्ते तुल्लेसु वि पाणि-पाय-पमुहेसु । संपन्न-वंछिय-धणा कुणंति अवरे वर-विलासे ||१९७३।। अहयं पुण कयपावो पावेमि न कत्थई भमंतो वि । गासं पि तेण दियहे गमेमि निच्चं छुहाभिहओ ||११७४।। ता इमिणा जम्मेणं नीसेस-दुहाण ठाणभूएण | निव्विलोहं इण्हेिं मरामि केणइ उवाएण ||११७५।। इय चिंतिऊण चलिओ तुंगं गिरिमेगसिंगमारुहिउं ।
मरण-कयज्झवसाओ निब्भग्गो निब्भर-विसाओ ।।११७६।। एत्थंतरे पवाईओ सुरहि-मारुओ । पढे सुरेहि गंधोदयं, कयं दसद्धवन्न-कुसुमवासं । ताडियाओ गयणे ढुंदहीओ | गज्जियं एगसिंगगिरिणा । किमेयमच्चब्भुयं ति चिंतयंतो जाव वच्चइ अग्गओ तात विडो कणय-कमल-निविहो चउन्विह-देवनिकाय परिवुडो धम्मं वागरमाणो
Jain Education International
For Private & Personal Use Only
www.jainelibrary.org
