________________
૨૭૮
सिरिसोमप्पहसूरि-विरइयं तीए भणियं-ससुराओ ससुरेण समं पत्थियम्हि । तेण भणियं-कत्थ ते ससुरो ? तीए वुत्तं-बाहिं चिहइ | गओ तत्थ माउलगो । हक्वारिओ सायरं सेट्ठी । स-कसाओ त्ति अणिच्छंतो वि नीओ गरुय-निब्बंधेण गेहं । भोयणं काऊण आगओ बाहिं । मज्झन्न-समओ त्ति वीसमिओ रहब्भंतरे | सीलमई वि निसन्ना रहच्छायाए । एत्थंतरे करीरत्थंबावलंबी पुणो पुणो वासए वायसो । भणियं णाए-अरे काय ! किं न. थक्कसि करयरंतो ?
एक्के दुन्नय जे कया तिहि नीहरिय घरस्स ।
बिज्जा दुब्लय जइ करउं तो न मिलउं पियरस्स" ||१११४|| - सुयमिणं सिहिणा | भणिया सा- वच्छे ! किमेवं जंपसि ? वहूए भणियं- न किंचि । सिट्ठिणा भणियं- कहं न किंचि ? वायसमुद्दिसिऊण एक्वे दुलय त्ति जं पढियं तं साभिप्पायं । वहुए वुत्तं- जइ एवं, ता सुणउ ताओ
सोरब्भगुणेणं छेय-घरसणाईणि चंदणं लहइ । रागगुणेणं पावइ खंडण-कढणाइ मंजिहा ||१११५|| तियसेहिं तोयरासी महिओ रयणायरत्तण-गुणेण । जं पुण गुणेण कीरस्स कीरए पंजरे क्खेवो ||१११६।। कणगमदब्भत्त-गुणेण खिप्पए पावयम्मि पुणरुत्तं । रमणीअत्त-गुणेणं विंदइ मुत्ताहलं वेहं ||१११७।।
एवं ममावि गुणो सत्तू संजाओ, जओ, सयल-कला-सिरोमणिभूअं सउणख्यं अहं मुणेमि । तओ अइक्वंत-दिण रयणीए सिवाए रसंतीए साहियं जहा- नईए पूरेण वुज्झमाणं मडयं कड्डिऊण सयं आहरणाणि गिण्हसु, मम भक्खं तं खिवसु । इमं सोऊण गयाहं घेत्तूण घडगं, तं च हियए दाऊण पविहा नई, कड्डियं मडयं, गहियाणि आहरणाणि, खित्तं सवं सिवाए, आगया गिह, आभरणाणि घडए खिविऊण निक्खयाणि खोणीए । एवं एक्व-दुब्लयस्स पभावेण समागया एत्तियं भूमि, संपयं तु वासंतो वायसो कहइ जहा-एयरस करीरथंबस्स हेहा दस सुवन-लक्खप्पमाणं निहाणमत्थि । तं घेत्तूण मम करंबय-घडं देसु त्ति । इमं सोऊण सहसा समुहिओ सेही । भणइ- वच्छे ! सच्चमेयं ? वहुए जंपियं-किं अलियं जंपिज्जए तायपायाणं पुरओ ?
Jain Education International
For Private & Personal Use Only
www.jainelibrary.org
