________________
सिरि-सोमप्पहसूरि-विरइयं
सुमइनाह-चरियं
पढमो पत्थावो
जयइ जय-कप्परुक्खो पढम-जिणो जस्स खंध-सिहरेसु । सउणाण वल्लहा वाल-वल्लरी सहइ सिद्धि-फला !!१|| महिऊण मोह-जलहिं लद्धं केवल-सिरिं च जो जाओ । पायडिय-सत्त-तत्तो तं अच्चह अच्चुयं सुमइं ||२|| पासो पियंगुकंती फणि-फण-मणि-किरण-रंजिय-सरीरो । पल्लविओ कप्पतरु व्व कुणउ मण-वंछियं मज्झ ||३|| दंसिय-सिवपुर-मग्गं सुरिंद-मणि-मउड-मसणिय-कमग्गं । पसम-सुहामय-मग्गं नमामि वीरं गुणसमग्गं ||४|| असमे वि सम-समिद्धे अमए वि ह बहुमए बुहयणस्स । संग-रहिए वि निग्गहिय-संगरे नमह सेस-जिणे ||५|| परिणमउ पवयणामयमेयं मह मोह-विस-विणासखमं । लेसं पि जस्स पाऊण पाविया निव्वुइं विबुहा ||६|| कवि-चक्क-चित्त-रयणायरेसु पसरंति वयण-कल्लोला । जीइ मुहचंद-दसणवसेण सा जयउ सुयएवी ||७|| जेसिं तुहिं लडिं व लहिय मंदो वि अखलिय-पएहिं । विसमे वि कव्व-मग्गे संचरइ जयंतु ते गुरुणो ||८|| जत्तो दुवालसंगी गंग व्व हिमालयाओ संभूया । सुरसत्थ-सेवियपया तुंगं तं गोयमं नमह ||9|| कविपुंगवाण वाणी मयंक-जोण्ह व्व निम्मला जयइ । नवनव-कविचक्व-चगोर-पिज्जमाणा वि अपमाणे ||१०|| इत्थं थोयव्व-पयत्थसत्थ-संथव-गलत्थियाणत्थो । वित्थारिय-परमत्थं पत्थुयमत्थं पवक्खामि ||११।।
Jain Education International
For Private & Personal Use Only
www.jainelibrary.org
