________________
सुमइनाह-चरियं
मुखारविन्दानुग-भृंगमाला-संपन्न - लोलालक-मालिकाभिः । परिश्रमावेश- विशीर्ण-बंध- धम्मिल्ल" - माल्यार्चित-कुट्टिमाभिः || १४२१|| आरात्रिकोत्तारणमादधाने शक्रे पुरस्ताज्जिनपुङ्गवस्य । प्रमोदिताखण्डल- मण्डलास्यं लास्यं वितेने सुरसुंदरीभिः || १४३०|| नमइ जिणिदं सक्को तत्तो रुवाई पंच काऊणं । मेरुनयणक्कमेणं जम्मण-भवणम्मि आइ || १४३१|| पडिरूवं संहरिउं हरिउं ओसोयणिं च जणणीए । पासम्मि मेल्लइ " जिणं, तरस सीसम्मि वत्थ- जुयं ||१४३२|| मणिकुंडल - जुयलं तह ठवइ वियाणे पलंबमाणं व । सिरिदामगंडमेगं नाणाविह रयण - दिप्पंतं ||१४३३||
-
दिहि-विणोय-निमित्तं पहुणी अह सुरवई भाइ धणयं मणि-कणय-हिरन्नाणं कोडीओ ठवसु बत्तीसं ||१४३४ || तह नंदासण- भद्दासणाई जम्मणहरम्मि बत्तीसं । अन्नं पि जं' मणोण्णं वत्थाई ठवसु तं सव्वं ||१४३५|| सो तं जंभग- देवेहिं कारवित्ता कहेइ सक्कस्स । सक्को वि आभिओगिय- देवे एवं समाइसइ || १४३६|| उग्घोसह एयं - 'देवा देवीओ सुणह सव्वेवि । तित्थयरस्स भयवओ तित्थंकर- माउयाए वा || १४३७ ।। असुहं मणं करिस्सइ जो अज्जग-मंजरि व्व तस्स सिरं । फुट्टिहइ सत्तहा' ते वि तं पयत्तेण घोसंति || १४३८|| न पियइ थणं जिणिंदो छुहिओ तिसिओ अ निययमंगुडं । पक्खिवइ मुहे तम्मि यसको संकामए अमयं ||१४३१ || जिण मंदिराओ सक्को सेसा उण मंदराओ देविंदा | नंदीसरम्मि पत्ता कुणंति सासय-पडिम- पूयं ||१४४०|| सक्को पुव्वे अंजणगिरिम्मि अह उत्तरम्मि ईसाणो । चमरो य दाहिणिल्ले बली पुणो पच्छिमल्लमि || १४४१ || तेसिं च लोगपाला चउरो चउरो कुणंति जिण-महिमं । अंजणगिरीण चउदिस-ठिएसु सोलस- दहिमुहेसु || १४४२||
For Private & Personal Use Only
Jain Education International
૨૨૭
www.jainelibrary.org
