________________
૧૮
सिरिसोमप्पहसूरि-विरइयं 'अंजणसिद्ध-सयासाओ लद्धमंजणं, जेण अंजणेण अंजिएहिं लोयणेहिं सयल-महीयल-निहाणाई हत्थगयाइं व पेच्छामि, अओ मे दव्वं' ति । ता तीए दव्व-लोभेण भणियं- 'ममावि लोयणे अंजेसु । जेण अहं पि ताई पेच्छामि' | तओ धवलंजणेण अंजियाइं लोयणाई तीसे । जाया कुट्टणी" करही । आरूढो तत्थ नंदणो । भमइ नयर-मज्यो । नाय-वुत्तंतेण विम्हय-वसेण हक्कारिओ रना । भणिओ य - 'भद्द ! किमेयं ?' ति । कहिओ तेण अंजणप्पओगो । रन्ना वुत्तं-'अत्थि किं बीओ वि प्पओगो जेण पुणो माणुसी होइ ?'| तेण वुत्तं - 'अत्थि' । रन्ना वुत्तं – 'जइ एवं ता तं पउंजसु ।' तओ तेण कसणंजणेण कया सा माणुसी । रन्ना वुत्तं'अहो ! तुमं अच्छरिय-निही । ता तुमए अम्ह पासे चेव ठाइयव्वं ।'
भणिया य कुदृणी सा 'चिंतारयणं समप्पसु इमरस ।
अन्नह पुणो वि पावे ! पाविहिसि विडंबणं एवं' ||११२३।। तमप्पियं तीइ वि नंदणस्स ।
तस्सप्पभावेण इमो वि जाओ संपन्न-नीसे स-समीहियत्थो । काऊण धम्मं सुगई गओ य ||११||
‘एवं सामि ! तुम पि हु संपत्त-समीहियत्थ-वित्थारो | मा लोभग्गह-गहिओ होऊण विडंबणं लहसु ||११२४|| अह कह वि वय-ग्गहणे गरुओ तुह माणसम्मि निब्बंधो । ता पुत्त-वयण-कमलं पलोइउं कुणसु अहिलसियं ||११२५।। जो पालिऊण सुचिरं पुव्व-नरिंदेहिं पाविओ वुद्धिं । वंसस्स तस्स जायइ पुत्तेण विणा समुच्छेओ ||११२६।। कित्तिं तह धम्म जीवियस्स विउसा फलं पयंपंति । पुत्त-विहूणाण इमे दो वि पणस्संति पुरिसाणं ।।११२७।। एयरस पिया वाई भोई दक्खो दयावरो सरलो । इय कितिं बंदिगणा थुणंति सुय-विहिय-उवयारा ||११२८।। धम्महाणाई जए सचक्व-परचक्व-भज्जमाणाई । विविहाई तक्वयाइं को रक्खइ जस्स नत्थि सुओ ||११२१।। तहापुत्तस्स समुप्पत्ती पिऊण उवगारिणी अ सुइ-वयणं । जं पुत्त-दत्त-भत्ताइएहिं तेसिं हवइ तित्ती ।।११३०।।
Jain Education International
For Private & Personal Use Only
www.jainelibrary.org
