________________
सुमइनाह-चरियं
૧૩૩ 'अत्थि तुंग-मणिमय-अमर-मंदिर-पहापूर-पल्लविय-गयणाभोगं भोगपूरं नाम नयरं । तत्थ निय-कूल-समायार-परिपालण-पवणो विउलधणो धणावही नाम सेट्ठी । तस्स विसिह-विणयाइ-गुणमंदिरं गणमई भज्जा । दो वि पून्वभवावज्जिय-पन्न पगरिसाणुरूवं विसयसुहमणुहवंताणि कालं वोलिंति । अन्नया अणेगोवाइय-सएहिं समुप्पल्लो गुणमईए पुत्तो । आणंदिय-माणसेण य "सेहिणा सद्दाविऊण पुच्छिओ नेमित्तिओ— भद्द ! कहेसु केरिसो एस सुओ होहिति ? | तेणावि परावत्तिऊण निमित्तसत्थं , आलोचिऊण जम्म-लग्ग-गहनक्खत्त-होराइ-बलं, संवाइऊण सुयस्स सामुद्दिय-लक्खणाई भणियं'भद्द ! जइ सच्चं वत्तव्वं ता सयल-कला-कलाव-कुलहरं समग्ग-गुणसंकेयहाणं भविस्सइ ते सुओ । नवरं जोव्वणत्थो दालिद्द-दुक्ख-भायणं होहि' त्ति । तओ विसनो सेही । पूईऊण विसजिओ नेमित्तिओ । कयं उचिय-करणेज्जं । पइडियं नामं बालयस्स पुन्नसारो त्ति । कमेण जाओ अहवारिसिओ । समप्पिओ कलायरियस्स । गहियाओ तेण अकिलेसेण सयलाओ कलाओ । सरिऊण नेमित्तिय-वयणं विसेसओ सिक्खाविओ रयण-परिक्खं से हिणा० । परिणाविओ पसत्थ-वासरे बंधुदत्त-धूयं बंधुमई । सयल-कज्ज-समत्थो त्ति नाऊण निउत्तो से हिणा कुटुंबचिंताए । सेही वि सयं ठिओ 'परलोय-काज-करणुज्जओ । अन्नया मरण-पज्जवसाणयाए जीवलोयस्स मओ सेट्ठी । पुनसारो काऊण पिउणो पेयकिच्चं पयहो कुइंब-कज्जे | नवरं पुव्व-कय-कम्म-दोसेण थेव-दिणब्भंतरे च्चिय खीणधणो संवुत्तो । जओ---
__ एगत्थ वसइ सुइरं अखंड-पुन-गुण-नियलिया लच्छी । . तुट्टम्मि तम्मि पुण मक्वांड व्व कत्थ वि थिरा न भवे ।।८२८।। __ सो य पुनसारो निद्धणो त्ति न बहुमनिज्जइ रायलोएण, न "सम्माणिज्जइ सयण-समूहेण, नाणुगम्मए मित्त-वग्गेण, किं बहुणा ? सव्व-जण-परिभव-भायणं संजाओ |
गुण-वज्जिओ वि पुरिसो सो च्चिय संमाण-भायणं भुवणे । नयणेहि नेहभर-निब्भरेहिं जं पेच्छए लच्छी ॥८२१।। अलियं पि जणो धणइत्तयस्स सयणत्तणं पयासेइ । आसन्न-बंधवेण वि लज्जिज्जइ इीण-विहवेण ||८३०।।
For Private & Personal Use Only
Jain Education International
www.jainelibrary.org
