________________
सिरिभुयणसुंदरीकहा ॥ एवं च ताव एवं; इओ य हरिविकुमो असेसंपि । जुत्ताजुत्तं साहइ अरिविजय-विवाहकज्जेण ।।८२००।। 'एयं चित्ते काउं तुम्ह पुरो जंपिउँ(यं) मए जक्ख ! । जं किर अन्नासत्तं हिययं नो जाय(इ) अन्नत्थ' ।।८२०१।। तो भणइ मलयमेहो ‘हरिविक्रम ! समुचिओ तुह विवेओ । गरुयं पि अन्नकज्जं छाइज्जइ जणयकज्जेण ।।८२०२।। दुप्पडियाराइं कुमार ! हुंति चत्तारि नवर एयाइं । जणणी जणओ सामी एएसि गुरू अपडियारो ।।८२०३।। ता एयं च्चिय पढमं कज्जं निव्वत्तिऊण रिउविसयं । पच्छा पाणिग्गहणं करेज्ज सह मज्झ धूयाए ॥८२०४।। एत्थेव तुमं चे(चि)सु अहमेव महाबलं रिउं तुज्झ । आणेमि बंधिऊणं चडफ(प्फ)डतं तुह समीवे' ।।८२०५।। हरिविकुमेण भणियं ‘अत्थि इमं किं तु तस्स अइगरुयं । देवस्स कस्स वि बलं तेण अजेओ खु सो जाओ' ||८२०६।। तो भणइ जक्खराया ‘सच्चमिणं अत्थि सुरबलं तस्स । सो उण वंतरदेवो दुनिग्गहो मारिसाणं पि ।।८२०७।। हरिविकुम ! किं तु तुहाणुहावसंजायगरुयसामत्थो । देवं पि निज्जिणिस्सं का गणणा तस्स वेरिस्स ?' ||८२०८।। हरिविकुमेण भणियं को न मुणइ जक्ख! तुज्झ सामत्थं ? । किं तु अहमेव सक्को ससुरस्स महाबलस्साऽवि' ।।८२०९।। तो भणइ जक्खराया ‘मा उवरोहं करेसु मह विसए । ता दो वि हु वच्चामो अलंघदुग्गं हरिकुमार !' ||८२१०।।
Jain Education International
For Private & Personal Use Only
www.jainelibrary.org
