________________
७४०
सिरिभुयणसुंदरीकहा ॥
पत्ताओ तावसासममुडवंतठियाओ जाव चिट्ठति । ता कुलवई वि पत्तो ताण समीवं च सो भणइ ।।८११२।। 'मा पुत्त ! भुयणसुंदरि ! हरिविकुमकडुयवयणसवणेण । किं पि मणे संतप्पसु संसारो एरिसो जम्हा' ।।८११३।। संबोहिऊण एवं तावसथेरे य रक्खणे मोत्तुं । निययावासंमि गओ सासंको तावसाहिवई ।।८११४।। एवं सा तत्थऽच्चइ तावसथेरेहिं रक्खिया बाला । चित्तविणोयनिमित्तं तेण(तेहि?) समं भमइ रन्नंमि ।।८११५।। तह हरिविकुमदूसहविरहानलकवलिया दुहं पत्ता । जह तीए निरासाए मरणंमि मणोरहा जाया ।।८११६।। अह अन्नविणे गोसे चंदप्पहपूयमाइ काऊण । जिणभवणसमीवत्थं उज्जाणवणं अह पविठ्ठा ।।८११७।। भणिया तावसमुणिणो ‘जाव अहं जक्खमंदिरं गंतुं । आगच्छामि तुरंती ता तुब्भे एत्थ चिट्ठेह' ।।८११८।। इय भणिऊणं वाला उज्जाणवणंमि जाइ दुक्खत्ता । चिंतइ ‘किमेरिसेणं दुक्खोहघणेण जीएण ? ||८११९।। संपइ पुण जीयंती दोहग्गदुहं व विरहदुक्खं च । आजम्मावहि एयं सक्केमि न विसहिउं घोरं ।।८१२०।। अंबाए जं भणियं ‘दो चेव गईओ किर विवेईण । इहलोयसुहा लच्छी परलोयसुहा य पव्वज्जा' ।।८१२१।। ता न मह पुव्वपक्खो कुमारअवहीरियाए पावाए । पव्वज्जा वि हु विसमा सिरसेलुक्खिवणसारिच्छा ।।८१२२।।
Jain Education International
For Private & Personal Use Only
www.jainelibrary.org
