________________
७१०
सिरिभुयणसुंदरीकहा ॥ नीसेसभुयणपिंडियएचट्ठियतेयगब्भभावेण । तुह तेओ सो देहो जो अम्हं नयणदुद्धरिसो ।।७७८२ ।। तेलोक्कसमग्गलगब्भरूवअणुहावओ व अउरुब्यो । तुह को वि सरूवाए वि रूवाइसओ समुप्पन्नो ।।७७८३ ।। जं वोत्तुं पि न तीरई न चिंतिउं जाइ जं च हिययंमि । तमणज्झवसेयं चिय माहप्पं तुज्झ अंगेसु' ।।७७८४।। इय चंदसिरी मलयाहिवेण अहिणंदिया बहुप्प(प)यारं । धारइ गभं संसारसारभूया पहिट्ठमणा ।।७७८५।। तो नियकालकमेणं संपत्ते अणहदसममासंमि । सुपसत्थलग्ग-तिहि-वार-जोय-नक्खत्त-दियहमि ।।७७८६।। देवी तमुत्तरोत्तरवुड्डिकरि ससिकलं व सिया(य)वीया । भुयणेक्कवंदणीयं धूयारयणं पसूया सा ।।७७८७।। तक्खणमेत्तेणं चिय किंकरकरताडणानिरावेक्खं । वज्जति दुंदुहीओ पडंति तह कुसुमकुंट्टीओ ||७७८८।। वित्थरइ सव्वओ च्चिय वरवीणा-वेणुमीसिओ गयणे । अल्लक्खकिंनरीयणपयट्टिओ महुरगेयरवो ।।७७८९।। पसरंति मंथरं मासलाओ(?) सुरसुंदरीण सव्वत्तो । जयजयसद्दज्झुणीओ मंगलपाढावलीओ य ।।७७९०।। तो सहसा उच्छलिआ जक्खिणिलोयस्स भरियभुवणंतो । आणंदकलयलो सूइयाहरे रायपत्तीए ।।७७९१।। वद्धाविओ सहरिसं परियणलोएण जक्खराया वि । कारावइ परितुट्ठो वद्धावणयं मणभिरामं ।।७७९२।।
Jain Education International
For Private & Personal Use Only
www.jainelibrary.org
