________________
६२४
सिरिभुयणसुंदरीकहा ॥
परमजोइस्स जोणी अलंघदुग्गं च तेयरासिस्स । सुरपासायदलाणं एसा खाणि व्व वरदीवं ।।६८३९।। दट्ठूण अभयचंदो दीवसिहं विविहवइयराइन्नं । संजयविम्हयरसो करेइ नाणाविहवियप्पे ||६८४०|| 'दट्ठूण दीवमेयं केणाऽवि सुवियक्खणेण पुरिसेण । उप्पाइओ पवाओ बहुरयणा जं धरित्ति त्ति ||६८४१ ।। रयणोहपूरिएहिं वहणसहस्सेहिं जलहिफुट्टेहिं । रयणायत्ति नामं संजायं तेण जलहिस्स' ||६८४२॥ एवं सो अणुदियहं रयणपरिक्खाखमेहिं पुरिसेहिं । अच्चब्भुयरयणाई उच्चिणावेइ विविहाई || ६८४३ || भरियाई जाणवत्ताइं तेण रयणाण बहुप्पयाराण । कारावइ सामगिंग नियदेसाभिमुहगमणत्थं ||६८४४|| तो जत्थ किर निसाए पूरेयव्वाइं सव्ववहणाई । तत्थेव खेत्तदेवयपूयत्थं सो समुत्तर || ६८४५ ।। तत्थेसो किर कप्पो एगागी नायगो कउववासो । उत्तरइ न उण अन्नो पायं पि ठवेइ तीरंमि ||६८४६ || अह जाव अभयचंदो वच्चइ थोवंतरं पुरो ताव । संपूइयखेत्तवई आइन्न सकरुणयं स ||६८४७|| शेवंतीए की वि जुवईए परमदुक्खदुहियाए । करुणपलावेहिं मणं दूमंतीए व्व कुमरस्स ||६८४८।। ' हा नाह! हा गुणायर ! हा सूहव ! हा रसन्न ! हा वीर ! । सुविणंतरं व दाउ न याणिओं कत्थ वि गओ सि ||६८४९||
Jain Education International
For Private & Personal Use Only
www.jainelibrary.org
