________________
५९८
सिरिभुयणसुंदरीकहा
बहुदुक्खसमाहूओ एहि इच्छामि तुम्ह पासंमि । ताणुवसामनिमित्तं पव्वज्जं परमसुहहेऊ (उं)' ||६५५४ || तो मुणिवरेहिं भणियं 'अम्हे नीसेसतित्थभूमीसु । । 'वंदामो जिण - पडिमे अप्पडिबद्धा य विहरामो ||६५५५ ।। जायइ परोवयारो धम्मुवएसेण जत्थ ठाणंमि । निव्वहइ संजम तवो तत्थऽच्छामो तहिं जामो ||६५५६ || ता गच्छामो पुरओ गामे ठाऊण तुज्झ साहेमो । धम्मसरूवं पच्छा जं उचियं तं करेज्जासु' ।। ६५५७ || तं संपत्ता गामं धम्मं साहंति तस्स दसभेयं । खम-मद्दव-ज्जवाइं असेसकम्मक्खयसमत्थं ||६५५८ ।। तो गुणराओ जंपइ 'भयवं ! भवचारगाओ निव्विन्नो । मह देह धम्ममेयं पव्वज्जं तह य दुहदलणं' ||६५५९ ॥ तो सावहाणचित्ता जाव नियच्छंति दिव्वसुयनाणी । ता भोगफलं उइयं कम्मं पेच्छंति नाणेण ||६५६० || तो जंपंति मुणिंदा न ताव निव्वहइ तुज्झ पव्वज्जा । एहि सावयधम्मं अणुचिट्ठसु परमसद्धाए' ।। ६५६१ ।। तो तेण मुणी भणिया 'भयवं ! कह मज्झ भोगसंपत्ती ? एवंविहागिईए सुविणे वि न संभवो ताण ।।६५६२ ।। जाई पि मज्झ पिउणा हढेण संपाडियाइं सोक्खाइं । ताण परोक्खे ताइं वि मज्झ भएणं व नट्ठाई' ||६५६३॥ तो जंपंति मुणिंदा ' मा वयणमिणं वियप्प विवरीयं । इह चेव तुज्झ जम्मे सावयधम्मो धुवं फलिही' || ६५६४ ॥
Jain Education International
For Private & Personal Use Only
www.jainelibrary.org
