________________
सिरिभुयणसुंदरीकहा ॥
५८९ जो पुण महिंदसीहो तेण सयं कणयदंडहत्थेण । पुरओ परिट्ठिएणं पडिहारत्तं च पडिवन्नं ॥६४५५॥ अन्नेहिं सयं परिकलियखग्ग-खेडयकरेहिं देवस्स । संठियमोलग्गाए गरुएहिं वि रायराएहिं ।।६४५६।। एवं च तस्स नीसेसभुयणसंपत्तरायसहस्स । एगच्छत्तधरायलपयडपयावप्पयंडस्स ।।६४५७।। वच्चंति सुहं दियसा तिखंडभरहाहिवस्स रायस्स । अणुवमरज्जमहासुहमुव जंतस्स अणुदियसं ।।६४५८।। संमाणिऊण समहियपसायदाणेण वीरसेणेण । पढममसोओ पच्छा सेहरओ पेसिया दो वि ॥६४५९।। इयरे वि जे नरिंदा महिंदसीहाइणो पसाएहिं । विविहेहिं पूइऊणं सदेसमणुपेसिया सव्वे ॥६४६०॥ निक्कंटयकयवसुहो नियपुन्नबलप्पसाहियदियंतो । पीसियजवचुन्नेसुं निसुणइ नियसत्तुसंलावं ॥६४६१॥ सिरिचंदसिरीए समं अणुवमपंचप्पयारविसयसुहं । अच्छइ उव जंतो सईए सह तियसन्ना(ना)हो व्व ॥६४६२।। गच्छंतेसु य दियसेसु ताण बहुएहिं नवर वरिसेहिं । चंदसिरीए जाओ पुत्तो सुपसत्थसव्गो ॥६४६३ ।। नामेण अमरसेणो असेससुहलक्खणोवचियदेहो । जणणि-जणयाण इट्ठो अइगयसिसुभाववावारो ॥६४६४।। अहिगयकलाकलावो पादुब्भुयसरसजोव्वणारंभो । सुललियलायन्ननिही उज्जलसिंगारलडहंगो ॥६४६५।।
Jain Education International
For Private & Personal Use Only
www.jainelibrary.org
