________________
५०८
सिरिभुयणसुंदरीकहा ॥ थंभसिरग्गनिवेसियपुत्तलियाकलियवंसवीणघणं । कमसंविभत्तमारुयकयमहुरसरं व गायतं ||५५६६।। एवंविहं विमाणं अवलोयंतस्स वीरसेणस्स । अच्छरियरसविमीसो आसि वियप्पो मणे एवं ।।५५६७।। । 'थूलयरमणिसिलासयगरुयस्स वि कह णु एरिसो वेओ ? | जं चुलुयपमाणं पिव तिलोयमवि होइ एयस्स ? ।।५५६८।। भण केत्तियं व पसरइ पयइजडं माणसं मणुस्साण ? । मन्ने लोयालोओ विसओ नाणस्स व इमस्स ।।५५६९।। एगहुँ पि हु एयं सव्वपएसट्ठियं व्व पडिहाइ । संकप्पाओ पढमं जं दीसइ वंछिए ठाणे ॥५५७०।। दूरयरपसारियरयणकिरिणरज्जूहिं करसियाई व । मन्ने लीयंति इमंमि चेव सयलाई ठाणाई' ।।५५७१।। . इय एवमाइ कुमरो विमाणविसयं वियप्पए जाव । ता तलनिविट्ठदिट्ठी पेच्छइ चंपापुरी(रिं) रम्मं ॥५५७२।। नीसेसघरनिरंतरनिबद्धसुसिणिद्धतोरणसमूहं । कयहट्टभवणसोहं वज्जिरबहुतूरसम्मदं ॥५५७३।। परितुट्ठसयललोयं उज्जलनेवत्थपरियणाइन्नं । रायउलं पि य दिटुं गयणग्गठिएण वीरेण ।।५५७४।। तो तं तहासरूवं वइयरमवलोइऊण वीरवई । कोऊहलतरलच्छो अह चिंतिउमेवमाढत्तो ।।५५७५।। 'किं एत्थ कोइ पायं संभविही नूण उच्छवविसेसो ? । अहवा इह रायउले संजाओ को वि आणंदो ? ||५५७६।।
Jain Education International
For Private & Personal Use Only
www.jainelibrary.org
