________________
४९६
सिरिभुयणसुंदरीकहा ॥
तो भइ मयणसेणा 'सहीओ ! आबालभावाउ ( भावओ) अम्ह | समसुह- दुक्खसरूवो निव्वूढो पेम्मपब्भारो ||५४३४ || ता जइ संपइ एवं एगग्गमणाओ ता तहा भणह ।
जाव न जग्गइ एसो ता तुरियं अवहरामो त्ति' ||५४३५ || तो सव्वाहिं (हि) वि भणियं 'ताउ च्चिय पियसहीओ एयाओ । सच्चेय तुमं सुंदरि ! को किर इह वढणावसरो' ||५४३६|| ओमित्ति पभणिऊणं सव्वाहिं वि विहियबहुपयत्ताहिं । अवहरिओ वीरवई ओसायणिविज्जजोएण ||५४३७|| चंपापुरीओ (उ) नीओ सो ताहिं अमाणुसाए अडवीए । जोयणसयपिहुलाए बहुसावय - साहिसुघणाए । । ५४३८ || तो ताहिं तत्थ रइओ विज्जासत्तीए तहविहसरूवो । पासाओ अइरम्मो जह दिट्ठो जयवडायाए । ५४३९॥ तह चेव वासभवणे कोमलतूलीसणाहसेज्जाए । मुको वीराहिवई जह न मणागपि हल्लेइ ||५४४०|| तो ताहिं परोप्पर एगचित्त-हिययाहिं मंतियं एवं । कमविहियजयवडायारूवाओ (ड) इमं अणुसा ( स ) रेह' ।।५४४१ ।। तो भणइ चंदलेहा 'जइ कह वि न देवजोगओ एस । तुब्भे इच्छइ ता किं कायव्वमिमस्स पुरिसस्स ?” ||५४४२ ॥ तो भणियं सव्वाहिं वि जइ कहवि न एस मन्निही सुरयं । ता मिलिऊणमवस्सं वहियव्वो एस दुट्टप्पा ||५४४३ || अभिगमणीओ ति वियाणिऊण भत्तारवहकओ दोसो । एयस्स सरूवदंसणपयडियमयणाहिं सो खमिओ || ५४४४ |
Jain Education International
For Private & Personal Use Only
www.jainelibrary.org
