________________
४७८
सिरिभुयणसुंदरीकहा ॥
तो ताण पहाणयरा परमपिया तस्स पाव (पवण) केउस्स । नामेण मयणसेणा सखेयमिव भणिउमाढत्ता ||५२३६ ।। ' कह कीरइ मयकम्मं तंमि जियंतंमि दुद्ध ( ट्ठ) सत्तुंमि | जा तस्स न वच्छत्थलरुहिरनिवायंजलिं देमि ?' ।।५२३७।। तो चिंतइ नरसीहो 'एसा अणुक्कू (कू ) लभासिणी मज्झ । विज्जाबलसाहेज्जं करेइ ता सुंदरं होइ' ।। ५२३८ ।। पुण खेयहि भणियं 'मुच्छावडियाओ दुक्खदट्ठा (द्धा ? ) ओ । आसासियाओ तुमए सप्पणयं बंधवेणं च (व) ||५२३९|| तं तुह परमुवयारं हियए धरिऊण एत्थ आयाओ । सारमिणं जियलोए उवयरियं जं न वीसरइ' ||५२४०|| तो भाइ नरवरिंदो 'भइणि ! कहं तस्स रुहिरसलिलेण । नियत्तुणो किसोयरि! काहिसि मयकज्जमइविसमं ?' ||५२४१॥ तो भइ 'मयणसेणा जइ तं पेच्छामि अज्ज अच्छीहिं । ता तुज्झ संपयं चिय नियसामत्थं पयासेमि ।।५२४२ ।। जुयइत्ति अहव रंड त्तिदुक्खदड त्ति मा अवधीरे । भाय ! धरित्ती एसा बहुरयणा किं तए न सुयं ? || ५२४३ ॥ एयाओ अट्ठ अम्हे भज्जाउ तस्स पवणकेउस्स ।
जइ हुंतीओ समीवे रणमि ता सो न हारंतो' ।। ५२४४ ॥ भणियं नरसीहेणं 'जइ एवं ता करेह साहेज्जं । मह भाउणो अवस्सं तुह सत्तुं जेण मारेमि ॥ ५२४५ ॥ जो तुम्ह वेरिओ सो मज्झ विसेसेण नत्थि संदेहो । मह तुम्हाण वि पुन्नेहिं वासपुज्जमि संपत्तो ||५२४६ ||
Jain Education International
For Private & Personal Use Only
www.jainelibrary.org
