________________
४५८
सिरिभुयणसुंदरीकहा ॥
अणवरयं चिय दंसण-संभासण -हास- गोट्ठिमाईहिं । अभिगमणीएहिं तहा जोव्वण - लावन्नरूवेहिं ।।५०१६।। समुइन्नतहाविहकम्मपरिणईए य अग्गिमित्तंमि । अणुरत्ता मयणसिरी तेण समं भुंजए भोए ।।५०१७ ।। अह अन्नदिणे दिट्ठो नरिंदसेज्जाए मयणसिरिसहिओ । दासीए अग्गिमित्तो जालगवक्खेण निहुयाए ।। ५०१८ || तो कहियं नरवइणो तीए गंतूण तन्निउत्ताए । गंभीरमणो सो विय अवहीरइ तीए (इ) तं वयणं ||५०१९ ॥ इय एवं अणवरयं सा दासी ताण चेट्ठियं कहइ । लज्जाए विण्डुमित्तस्स नरवई किं पि न भणेइ ||५०२०।। तो कंचुइणा भणिओ राया 'किं देव ! वंभणस्स तुमं । जाणतो वि सरूवं उवेक्खसे अइसयविरुद्धं ?' ||५०२१॥ तो तव्वयणं राया सोउं संजायपच्चओ भाइ ।
' सो एइ जत्थ समए तं समयं मज्झ साहेसु' ।। ५०२२ ।। अह अन्नदिणे राया गोसे कयसयलगोसकरणीओ । जालगवक्खस्सुवरिं उवविट्ठो तुच्छपरिवारो ||५०२३॥ अह विण्डुमित्तमंती समागओ अग्गिमित्तपरियरिओ । मंतुच्चारपुरस्सरमासीसं देइ रायस्स || ५०२४।। कयसमुचिओवयारा उवविट्ठा दो वि रायपासंमि । तक्कालसमुचिएणं चिट्ठति विणोयकम्मेण ॥। ५०२५ ।। एत्थंतरंमि दिट्ठा गवक्खपरिसंठिएण नरवइणा । चत्तारो मुणिवसहा परिसक्कणिए य वच्चंता ||५०२६ ॥
Jain Education International
For Private & Personal Use Only
www.jainelibrary.org
