________________
__ सिरिभुयणसुंदरीकहा ॥
इय एव माइबहुविहअट्टज्झाणाइं चिंतमाणस्स । कह कह वि अइक्वंतो दियहो मह नट्ठहिययस्स ॥४८९५॥ तो हं तत्थुज्जाणे पढमं गंतूण रुक्खगहणंमि । परिसंठिओ अलक्खो निसाए पहरंमि वोलीणे ॥४८९६।। अह खणमेत्तेणं चिय समागओ तकरो घरं मुसिउं । रयण-मणि-कणयरित्थं सागरदत्तस्स सेट्ठिस्स ॥४८९७।। आगंतूण पविट्ठो जत्थाहं तत्थ तरुगणनिकुंजे । संगोविऊण दव्वं कंतिमईसंगमासाए ॥४८९८।। अह राया रइकेली कंतिमई वि य समं पविट्ठाई । माहविलयाए मंडवतलंमि वच्चंति हिट्ठाई ।।१८९९।। तो पुव्वकमेणं चिय राया सह तीए कुसुमसयणमि । थक्कइ रइकेली पुण उज्जाणवणंमि परियडइ ।।४९००।। तो सा अहिरमिऊणं रायाणं पुव्ववन्नियकमेण । चोरसमीवं पत्ता तेण वि आलिंगिया निविडं ॥४९०१।। तं कणय-रयणरित्थं बाढं अवहरियमाणसो तीए । सव्वं चेव समप्पइ सिणेहसारं च सो भणइ ॥४९०२।। 'किं बाहिरेण इमिणा तुच्छसरूवेण दव्वनिवहेण ? । साहस-नेहविढत्तं जीयं पि हु मह तुहायत्तं' ||४९०३।। तो सा पहिट्टिहियया समहियसंजायनेहसब्भावा । तेण समं अह अच्छइ वीसत्था तत्थ गहणंमि ।।४९०४।। अन्नोन्नपवड्डियगरुयनेहसब्भावपरवसमणाण । मच्चू विव सन्निहिओ वीसरिओ नरवई ताण ||४९०५।।
Jain Education International
For Private & Personal Use Only
www.jainelibrary.org
