________________
४२७
सिरिभुयणसुंदरीकहा ॥
जो भुयणं पि असेसं अत्थपयाणेण कुणइ अदरिदं । तस्स वि य दाणधम्मो अकयत्थो होइ हिंसाए ।।४६७५।। इह होइ न अत्थखओ सरीरपीडा वि कोइ इह नत्थि । किन्न मुहाए(इ) विढप्पइ दयाए(इ) बहुपुन्नपब्भारो ? ||४६७६॥ सव्वेसिं सत्ताणं सव्वभयाणं महाभयं मरणं । मह तुह अन्नेसि पि य पच्चक्खो एस दिटुंतो ॥४६७७।। कणयगिरिं दिज्जंतं रज्जं वा विविहमंडलाणुगयं । मारिज्जंतो सव्वं चइऊणं जीवियं महइ' ।।४६७८।। इय एवमाइ सव्वं विमलमईधम्मदेसणावयणं । ... सोऊण सप्प-नउला संविग्गा तक्खणच्चेय ।।४६७९।। निंदंति पुव्वजम्मं बहुं च मन्नंति विमलमई(इ)वयणं । परिहरियवेरभावा पसंतरूवा दुवे जाया ।।४६८०।। सुमरंति विप्पजम्मं उंदुर-मज्जारिजम्ममइनीयं । निंदंति भवसहावं कम्माण वि दारुणविवागं ।।४६८१।। 'हा हा ! अन्नाणंधा असमंजसचेट्ठियं ववहरंति । निवडंति जेण घोरे दुहावहे भवसमुदंमि ।।४६८२।। जो विप्पभवे विहिओ विविहकुसत्थोवएसओ धम्मो । तं मन्ने गरलं पि व पीयं पीऊसबुद्धीए' ॥४६८३॥ इय ते पसंतचित्ता परिवज्जियपयइवेरवावारा । नियमणसंकप्पेणं अणसणभावं पवज्जति ॥४६८४।। तो तं दइयावयणं अवहीरंतेण पावकम्मेण । मुक्को मए सरोसं नउलो उवरिं भुयंगस्स ।।४६८५।।
Jain Education International
For Private & Personal Use Only
www.jainelibrary.org
