________________
३३६
सिरिभुयणसुंदरीकहा ॥ थिरहियएण असेसं पडिच्छियं तं बलं सुवीरेण । समकालमुक्कबहुविहपहरणमणकिरणदुप्पेच्छं ॥३६७७।। तह तेहिं चउदिसासुवि समंतओ वेढिऊण सो निहओ । आपायसिराओ जहा(ह) पहरणपुंजेण संछन्नो ॥३६७८।। तो मुहनिहित्तकरयल-कयकलयलराववड्डियाणंदं । विज्जाहराण सेन्नं उच्छलियं तक्खणं च्चेय ॥३६७९।। तो निसुयखयरकलयलविवड्डियामरिसवसफुरंतोट्ठो । सीहो व्व धुणियदेहो विणिग्गओ सत्थपुंजाओ ॥३६८०॥ तं निसियविविहपहरणअदिट्ठवण-रुहिरनिग्गमं वीरं । दठूण खयरसेन्नं समुट्ठियं सभयमिव जायं ॥३६८१।। तो सो धणुहनिवेसियनारायनिवायनिहयखयरोहो । सिसिरो व्व पाडयंतो उत्थरिओ खयरसिरकमले ॥३६८२।। एक्केण वि तेण रणे असंखसरनियरमेक्कमुट्ठीए । मेल्लंतेण ससल्लो सो नत्थि न जो कओ सुहडो ॥३६८३॥ दोखंडियधणुदंडो धाणुको कोइ च्छु(छु)रियमुक्खणइ । छिन्नोभयभुयसिहरो वियरइ दंडो व्व रणमज्झे ।।३६८४।। अन्नेको(क्को)पुण सुहडो निरंतरं सरसमूहभिन्नंगो । संगहियपुंखपवणो गिद्धेहिं समं नहे भमइ ॥३६८५।। अणवरयमुक्कघणसरछिन्नभुयापडियपहरणगणेहिं । नियएहिं चिय खयरा जंति खयं नं अपुन्नेहिं ।।३६८६।।
Jain Education International
For Private & Personal Use Only
www.jainelibrary.org
