________________
३३३
सिरिभुयणसुंदरीकहा ॥ जह जह गुरुयगुणा वि हु अप्पाणं निग्गुणं व पयडंति । जायाहिनिवेसा इव तह तह गरुया गुणा होति ॥३६४४।। ता किं भन्नइ तुह किर सोजन्नं तमिह जं असामन्नं । तुह जायअवटुंभो धूलिं व गणेमि खयरबलं' |३६४५।। कुमरस्स रक्खसस्स य इय एवं जाव होति आलावा । ता पवणकेउणा वि य सेहरओ पुच्छिओ एवं ॥३६४६।। 'को एस नरो बद्धो ? केण व कज्जेण ? कस्स संबंधो?।' तो सेहरेण कहिओ वुत्तंतो बंधुयत्तस्स ॥३६४७।। तो भणइ पवणकेऊ ‘जइ ता एयस्स एरिसो गव्यो । ता किं न संपयं चिय पयडइ सुहडत्तणं एसो ?' ||३६४८।। एत्थंतरंमि सहसा रणरसपसरंतबहलपुलयंगो । सो बंधुयत्तसुहडो तोडइ भुयबंधणं झत्ति ।।३६४९।। अह विहडावियभुयदंडबंधणो खयरकयचमक्कारो । अफा(प्फा)लइ भुयदंडं रवबहिर(रि)यगिरिदरीविवरं ॥३६५०।। अह निबिडभुयप्फालणपडिसद्दुम्मीससद्दरणतूरो । वड्डियसमरुच्छाहो आवडिओ पवणकेउस्स ।।३६५१।। गंतूण पवेगेण व पडिपेल्लियमग्गभडसहस्सेण । तस्स सिरग्गनिबद्धो निद्दलिओ विमलमणिमउडो ॥३६५२।। तो भणइ बंधुयत्तो ‘रे रे हयपवणकेउ ! तुह पढमो । नियगव्वतरुसमुग्गयनवंकुरो दंसिओ एस ॥३६५३।। तुह भुयसाहा-सिरकुसुमच्छेयरुहिरोहदिन्नडोहलओ ।
पच्छा मज्झा समीहियफलेहिं दप्पडुमो फलिही' ॥३६५४।। १. पवंगेण ला. ॥
Jain Education International
For Private & Personal Use Only
www.jainelibrary.org
