________________
३२७
सिरिभुयणसुंदरीकहा ॥
तो सो पहायसमए कप्पडिओ तस्स चेव सेट्ठिस्स । कय-विक्कयत्थमप्पइ दसटंके कंचणुकि(क्कि)न्ने ।।३५७८।। तो दठूणं सेट्ठी ते टंके मुणइ मह इमे निययं । तो निम्वियारचित्तो कप्पडियं भणइ दढहियओ ॥३५७९।। 'कप्पडिय ! तए सरिसो साहसिओ नत्थि एत्थ पुहईए । कह सहियमविचलेणं नियनासा-कन्नकप्परणं ?' ||३५८०।।.. कप्पडिएणं भणियं 'सच्चमिणं सेट्टि ! दूसहं एयं । किं तु नरो कज्जत्थी तं नत्थिन जं इह सहेइ' ।।३५८१।। 'ता निब्भगि(ग्गि)यसेहर ! रे सेहर ! मा. इमं वियप्पेहि । कज्जत्थिणा मए च्चिय अप्पा बंधाविओ एवं' ॥३५८२।। एत्थंतरंमि सोउं पहुदिनं तेण दुसहदुव्वयणं । सविलक्खमिव असेसं पक्खुहियं सेहरत्थाणं ।।३५८३।। सव्वेहिं (हि)वि समकालं सेहरसुहडेहिं बंधुयत्तंमि । कोवानलजालाओ व पक्खित्ता सोणदिट्ठीओ ॥३५८४।। जालामुहेण पजलियकोवमहाजलणभीसणमुहेण । सहस त्ति करो खत्तो सखग्गमुट्ठीए तव्वेलं ॥३५८५।। पुण दुद्धरेण संगरदुद्धरधुरभारधरणधवलेण । दुव्वयणदूसिएणं सहसा संभालिया च्छुरिया ॥३५८६।। विसमत्थेण वि उड़े जा रोसपरव्वसेण उक्खित्ता । सा पहुभएण पुणरवि संवरिया नियकरचवेडा ॥३५८७।। रणहरिसभडेण पुणो पडिसदु(९)त्तत्थखयरनिवहेण । गुंजिरगिरिकुहरंतो मुक्का कुविएण हुंकारा ॥३५८८।।
Jain Education International
For Private & Personal Use Only
www.jainelibrary.org
