________________
सिरिभुयणसुंदरीकहा ॥
तो देव ! अम्ह जायं महाभयं जोइवयणसवणेण । पच्चक्खदिट्ठफुरणा जोइस्स इमं विचिंतेमो || ३५३४ || 'जइ केवलो हुणिज्जइ एत्थासोओ हवेज्ज ता लट्ठे । जं अम्ह सामिसालो पहुणिज्जइ तं परमभद्दं' ।। ३५३५ ।। तो अम्हेहिं वि तुरियं चियग्गिणो पाणिएण विज्झविया । पवणंजएण जोई पक्खित्तो जलनिहिजलंमि ||३५३६ || एसो वि देव ! पुरिसो जा भमइ अरन्नमज्झयारंमि । समिहाओ गवेसंतो ता दिट्ठो तत्थ अम्हेहिं ।।३५३७।। सो अम्ह नत्थि खयरो इमस्स सवड ( डं) मुहो[य] जो हवइ । तो एएण सखग्गं रुक्खे ओलंबियं सहसा ||३५३८|| तो अवसरं मुणेउं मिलिऊणं देव ! एस सव्वेहिं । अम्हेहिं सुदिढदोरयसंदाणियविग्गहो बद्धो ||३५३९ ॥ दट्ठूण देव ! एसो अम्हे इसीसि वियसियकवोलो । कयपच्छामुह-बाहू उवट्ठिओ अम्ह पासंमि ।। ३५४०।। इय देव ! एस पुरिसो तुहावयारि त्ति आणिओ एत्थ । संपइ तुमं पमाणं भणिउं तुन्हिक ( क ) या जाया ।। ३५४१ ।। इय एवं सोऊणं वृत्तंतं बंधुयत्तसंबद्धं । हिययंमि वीरसेणो विसूरिउं अह समाढत्तो ॥ ३५४२ ॥
'हा हा ! मज्झ विओए एगागी कह सपच्चवायंमि । नियजीवियनिरवेक्खो मह मित्तो भमइ रन्नंमि ? || ३५४३ || एयारिसाण पायं भुवणुवयारीण परिसरयणाण । चिंतामणीण व जए उप्पत्ती होइ पुन्नेहिं | | ३५४४||
Jain Education International
For Private & Personal Use Only
३२३
www.jainelibrary.org
